Johannes Hartl

Johannes HARTL (naskiĝinta la 17-an de januaro 1979 en Metten) estas germana filozofo, romkatolika teologo, verkisto, moderigisto, komponisto kaj fondinto de la edifa domo Gebetshaus en Augsburg.

Johannes Hartl
Persona informo
Naskiĝo	17-an de januaro 1979 (1979-01-17) (45-jaraĝa) en Metten
Lingvoj	germana
Ŝtataneco	Germanio
Alma mater	Munkena universitato
Okupo
Okupo	verkisto de nefikcio teologo filozofo

Vivo

Post frekvento de humanisma gimnazio en Metten Hartl studis germanistikon kaj filozofion kaj doktoriĝis pri teologio en Munkeno defendinte la interdiscipllinan disertacion Metaphorische Theologie. Grammatik, Pragmatik und Wahrheitsgehalt religiöser Sprache. Vojaĝoj tutmondaj kaj restadoj en klostroj (oftege sur la sankta monto Athos) kaj la ekumenisma kuno en la spirita kunvenejo en Augsburg gravegas por la enhavo de liaj libroj kaj prelegoj. La ajhoj de Hartl tipas por moderna metodo unuigi kredon kaj spiritualismon kun intelektismo.

Hartl aktivas internacie kiel konferenparoladfaranto ekde 2009, ankaŭ okaze de multaj grandokazigoj ekz. ĉe kongresoj en 2016 kaj 2020 de la eklezio Willow Creek Community Church kun ne tute 10 miloj da partoprenantoj. 10.000 Teilnehmern. Tradukitaj estas liaj libroj en plurajn lingvojn (ekz. anglen, francen, nederlandan, polan, hungaran). Danke al Jutubo liaj prelegoj ĝuas multnombran publikon. Kiel docento li ano estas de la instituto pri spiritualisma teologio kaj religiscienco ĉe la altlernejo de Monaĥejo Heiligenkreuz.

Fokusoj temaj

En sia disertaĵo Hartl priesploris, elirante de la rezultoj de kogna lingviko kaj analiza filozofio (antaŭ ĉio de Ludwig Wittgenstein), la kapablon de homa lingvo strukturigi perfekte la kompletan perspektivon je subjekto kaj mondo. Sub la fraptermino filozofio por sukcesa vivo Hartl pritraktas en prelegoj la metaforan potencon de religia lingvo ĉiukampe. Centras role spiritualismo kaj preĝado. Sub la slogano de ekologio de la koro li entreprenas kombini belecon (estetikon), empation (psikologion) kaj la veron el la perspektivo de kristana filozofio. Multe da impulsoj li ĉerpis de la filozofoj Ferdinand Ulrich, Hans Urs von Balthasar, C. S. Lewis kaj Martin Buber. Hartl ŝatas kunigi ideojn filozofiajn, psikologiajn kaj literatursciencajn kun la eldiroj de la Biblio kaj la doktrinoj de kristanismo.

Eden Culture

En 2021 Hartl prezentis la verkon Eden Culture: Ökologie des Herzens für ein neues Morgen (traduko: E.C.: ekologio de la koro por nova morgaŭo) kiel kontraŭkoncepton al la okcidenta kulturo de postmodernismo. Sur 254 paĝoj li temigas tri gravajn temojn pri kunsentado, senco kaj beleco. Kunsentado signifas la formon de ligoj kiujn oni ricevas infanece ĉefe de la gepatroj kaj aliaj gravaj referencpersonoj. Celo estu atingi sekuran kaj sanan identecpunkton: tiel eblus evoluigi realisman meminterpreton, diferencigitan percepton, solvo-emon, rilatfaremon kaj psikan reziliencon. Kion malsanaj tendencoj hodiaŭaj malhelpas: infaneco tro planita sen libertempo, perdo de sentemo, kulto de memperfektiko kaj kreskanta rapidemo. Homoj kun senco estas sinseprim-kapablaj kaj povas ekkoni la veron, akcepti individuecon kaj evoluigi propran kulturĝu-evoluon. Beleco por si mem havas valoron kaj oni kontraŭbatalu simplan funkciadon kaj estetikan poluadon serĉante la elstaron. Estetiko do gravegas por Eden-kulturo kaj montriĝas ankaŭen nia kapablo festi la vivon ĉiuaspekte, travivi sekson kiel ion magian kaj fortan, sperti en ĉio la proksimecon de bona dio.

Kritiko

La socia etikistino Ursula Nothelle-Wildfeuer kritikas pro la de Hartl kunverkita furorlibro Mission Manifest (el la eldonejo de Der Spiegel) ke mankas en ĝi la socia-politika flanko de diakoneco kaj taksis la institucion Gebetshaus inklina la sektiĝo. Hartl ripostis al tio ĉi ke en Germanujo la diakoneca flanko estas jam sufiĉa dume mankas tutlande moderna evangelizado. Li ankaŭ atentigas ke la strukturo de Gebetshaus estas strikte kaj intencite ekumenisma.

Privataĵoj

La deziron iĝi monaĥo li forĵetis kaj edziĝis en la 2001-a jaro. Li havas kvar infanojn.

Gebetshaus Augsburg

Jam kiel studento Hartl estis konvinkita ke nepru havi lokon por neniam ĉesanta preĝado. Tion li realigis en 2005 an Augsburg kun sia edzino Jutta. Kunlaborantoj tieaj estas katolikoj kaj protestantoj de ĉiuj generacioj. De sume ĉ. 170 personoj ne tute 50 ne honorofice laboras. Oni engaĝiĝas en la laborado kun infanoj kaj junuloj ofertante seminariojn, (plu)klerigojn kaj prelegojn pri spiritaj temoj. La financado estas financata de mondonacoj kaj de honorarioj. Vendatas ankaŭ edifa literaturo kaj sonbendigitaj produktoj. Hartl estis ankaŭ ĉefiniciatinto de la iniciativo Deutschland betet gemeinsam sub la politika ŝirmo de la ministroprezidanto de Bavarujo Markus Söder: partoprenis ĝin en aprilo 2020 ĉ. duona miliono da homoj. Helpis la episkopojn ankaŭ elstaruloj kiel Peter Maffay, Heiko Herrlich, la ministrino Julia Klöckner, parlamentanoj ktp.

Intertempe Gebetshaus tiel bonege estas establita ke Hartl povis transdoni la respondecon al nova generacio.

MEHR-konferencoj

Sub la titolo MEHR (laŭvorte: plu/plue) okazas ekde 2008 en Augsburg ekumenismaj konferencoj kun fokuso pri inspirado kaj metodoj de ĝojiga evangelizado. La nombro de la partoprenantoj ĉe la kvar tagojn daŭranta kunveno kreskis kontinue kaj atingis en 2018 la nombron de 11 miloj. Kelkaj jam avertis antaŭ troa emociigo kaj simpla grandokazaĵa karaktero. Stefan Oster, episkopo de Passau, ĉeestis en 2017 kaj 2018. En 2018 tiukadre estis publikigita de Hartl manifesto titole Mission Manifest. En januaro 2020 venis jam ĉ. 12 miloj. Inter la prelegintoj estis la aktoro Samuel Koch kaj kardinalo Kurt Koch. Sub la moto MEHRtheologie okazis tiam fakforumo pri filozofiaj kaj teologioj demandoj kun ĉ. 2500 kundiskutantoj organizite kun la Instituto pri ekumenismaj studoj de la Universitato de Friburgo.

SCHØN-konferencoj

En junio okazis kunveno pri la intertempe sin reciproke tuŝantaj branĉoj de arto, kreiveco, filozofio kaj spiritualismo al kiu venis 1200 personoj: de la artistaro ĉeestis Wim Wenders, Michael Patrick Kelly, Stefan Sagmeister, la pianisto Martin Helmchen, la literaturhistoriisto Wolfgang Frühwald kaj multo de aliaj. Posteula konferenco planite por junio 2020 devis neniiĝi pro la kronvirusa pandemo. Estis promesinta veni i.a. la verkisto Martin Mosebach kaj la muzikisto Moses Pelham.

WENIGER-konferencoj

En januaro 2022 okazis dum du tagoj WENIGER-konferenco virtuale pro la kronviruspandemiaj restriktoj. La dua okazis en du blokoj po du tagojn en januaro 2023

Verkoj

Monografioj

• Metaphorische Theologie: Grammatik, Pragmatik und Wahrheitsgehalt religiöser Sprache. Studien zur systematischen Theologie und Ethik, Band 51. Lit Verlag Berlin, ISBN 978-3-8258-0749-8, Münster 2008, ISBN 3-8258-0749-5 (disertacio).
• Negative Gedankenmuster überwinden. ISBN 978-3-9815412-1-2.
• Die ganze Bibel in 77 Minuten. D&D Medien, Grünkraut 2010, ISBN 978-3-932842-95-5.
• Nein zur Entmutigung. D&D Medien, Grünkraut 2010, ISBN 978-3-932842-96-2.
• Gottes Stimme hören im Hier und Jetzt. D&D Medien, Grünkraut 2010, ISBN 978-3-932842-97-9.
• Die Liebe, das Leid, die Herrlichkeit. D&D Medien, Grünkraut 2013, ISBN 978-3-86400-012-6.
• Faszination und Effektivität. D&D Medien, Grünkraut 2013, ISBN 978-3-86400-011-9.
• Wenn die Seele weint – Glauben, wenn es wehtut. Cap-books 2014, ISBN 978-3-86773-215-4.
• In meinem Herzen Feuer. Meine aufregende Reise ins Gebet. SCM R. Brockhaus, Wuppertal 2014, sesa eldono 2016, ISBN 978-3-417-26610-8.
• Die Kunst, eine Frau zu lieben. Das große Geheimnis verstehen. cap-books 2014, dua eldono, ISBN 978-3-86773-198-0.
• Die Kunst, meinen Mann zu lieben. cap-music Musikverlag 2015, ISBN 978-3-86773-240-6.
• Gott ungezähmt. Raus aus der spirituellen Komfortzone. Herder Verlag, Freiburg 2015, ISBN 978-3-451-34890-7.
• Einfach Gebet: Zwölfmal Training für einen veränderten Alltag, SCM R. Brockhaus, Wuppertal 2016, ISBN 978-3-417-26807-2.
• Eden Culture: Ökologie des Herzens für ein neues Morgen, Herder Verlag, Freiburg, 2021, ISBN 978-3-451-03308-7.

Kiel kunaŭtoro

• Mit Andreas Hardt: Basic: 60 jesusmäßige Tage zum Selberbasteln. Herausgeber: JCE (Jugendarbeit der Charismatischen Erneuerung in der Katholischen Kirche). D&D Medien, Grünkraut 2006, ISBN 978-3-932842-78-8.
• Mit Leo Tanner: Katholisch als Fremdsprache – Einander verstehen, gemeinsam vorwärts gehen. WeG Verlag, Eggersriet 2015, ISBN 978-3-932842-78-8
• kun Karl Wallner, Bernhard Meuser k.a.: Mission Manifest – Die Thesen für das Comeback der Kirche, Herder 2018, ISBN 978-3-451-38147-8

Muziko

• Augenlieder, Gebetshaus Augsburg 2013
• So hoch der Himmel ist, Gebetshaus Augsburg 2017
• Habitare Secum, Instrumentalalbum zusammen mit Christian Heidenbauer, Gebetshaus Augsburg 2020

Eksteraj ligiloj

• Informoj pri Johannes Hartl en katalogo de la Germana Nacia Biblioteko (germane)
• hejmpaĝo de Hartl
• hejmpaĝo de Gebetshaus Augsburg
• Eden Culture
• En tiu ĉi artikolo estas uzita traduko de teksto el la artikolo Johannes Hartl en la germana Vikipedio.