Marguerite Yourcenar

La franca verkistino Marguerite YOURCENAR [margerIt jursenAR] (anagramo kaj pseŭdonimo de: Marguerite Antoinette Jeanne Marie Ghislaine CLEENEWERCK DE CRAYENCOUR [krejakur]) naskiĝis je la 8-a de junio 1903 en Bruselo (Belgio) kaj mortis je la 17-a de decembro 1987 en Mount Desert Island (Majno, Usono). Krom esti verkistino, ŝi ankaŭ estis tradukistino, poetino kaj literatura kritikisto,

Marguerite Yourcenar
seat 3 of the Académie française
Marguerite Yourcenar-Bailleul-1982.10.04.Bernhard De Grendel (10).jpg
Persona informo
Naskonomo Marguerite Antoinette Jeanne Marie Ghislaine Cleenewerck de Crayencour
Naskiĝo 8-an de junio 1903 (1903-06-08)
en Bruselo
Morto 17-an de decembro 1987 (1987-12-17) (84-jara)
en Bar Harbor
Lingvoj franca lingvo [#]
Ŝtataneco FrancioUsonoBelgio [#]
Subskribo Marguerite Yourcenar
Familio
Patro Michel de Crayencour [#]
Patrino Fernande de Cartier de Marchienne [#]
Amkunulo Grace Frick [#]
Profesio
Okupo tradukisto • poeto • romanisto • eseisto • universitata profesoro • verkisto [#]
Laborkampo romano [#]
Verkado
Verkoj Memoirs of Hadrian ❦
The Abyss ❦
Q2834706 ❦
Oriental Tales ❦
Archives du Nord ❦
Mishima: A Vision of the Void [#]
[#] Fonto: Vikidatumoj
Information icon.svg
vdr

En 1947 ŝi akiris la usonan civitanecon. Gajnantino de la Premio Femina kaj la Premio Erasmus, Yourcenar estis la unua virino kiu estis akceptita en la Académie Française en 1980.

VivkuroRedakti

Post studado en Francio, Britio kaj Svislando Marguerite Yourcenar vojaĝis tra tuta Eŭropo kaj ekentuziasmiĝis ĉefe pri la greka kulturo. Dum la Dua mondmilito ŝi transloĝiĝis al Usono, kie ŝi laboris kiel profesorino pri franca literaturo. En la jaro 1980 ŝi fariĝis membro de la Académie française, kiel la unua virino en la historio.

La fikcia verkaro de Marguerite Yourcenar ĉefe dediĉas sin al historiaj kaj mitologiaj temoj. Grandan renomon ŝi gajnis ankaŭ kiel tradukintino de novgrekaj kaj anglaj verkoj.

La kampardomo de ŝia familio sur la deklivo de Mont Noir, unu el inter la flandraj montetoj, norde de Belle (Bailleul, Nordo-Kaleza Markolo), iĝis nun kulturcentro.

 
Mont Noir (Nigra Monto) en Franca Flandrio, kastelo en kiu la verkistino kreskis dum sia junaĝo.

Verkaro (selekto)Redakti

  • Alexis ou le traité du vain combat (romano, 1929)
  • Denier du rêve (romano, 1934)
  • Nouvelles orientales, (Orientaj noveloj, 1938)
  • Le Coup de grâce (romano, 1939)
  • Mémoires d'Hadrien (romano, 1951)
  • Electre ou la chute des masques (dramo, 1954)
  • Le mystère d'Alceste (dramo, 1963)
  • L'oeuvre au noir (romano, 1968)
  • Mishima ou la Vision du vide (eseo, 1980)
  • Le temps, ce grand sculpteur (eseoj, 1983)
  • Comment Wang-Fô fut sauvé (novelo, 1983)
  • Le labyrinthe du monde (3 volumoj, eld. 1973-1988)
  • Écrit dans un jardin (1992, ilustrita poemo fare de Pierre Albuisson)

Traduko en EsperantoRedakti

En 2019 aperis ĉe La KancerKliniko broŝuro kun Orientaj noveloj[1].

Privata vivoRedakti

 
Botanika ĝardeno kie troviĝas ankaŭ biblioteko kaj konservejo de minacataj plantoj, kiujn Yourcenar volis protekti.

Ŝi estas vegetaranino kaj defendis bestorajtojn kaj naturprotektadon. Per sia Fondumo Yourcenar ŝi celis konservi la tradiciajn flandrajn pejzaĝojn, samkiel la lokajn sovaĝan faŭnon kaj flaŭron kiu helpis krei en Bailleul naturrezervejon[2], france 'Conservatoire botanique national de Bailleul' kiu konservas semojn de raregajn specojn de flaŭro kaj celas konservi la biologian diversecon.

OmaĝoRedakti

Asteroido ricevis la nomon 7020 Yourcenar.

Vilao Yourcnar estas verkista rezidejo en Saint-Jans-Cappel, Francio kiu portas sian nomon.

CitaĵojRedakti

«La epikura filozofio, tiu lito mallarĝa, sed pura." el Memoroj de Hadriano.» — Mémoires d'Hadrien

«La vera naskiĝloko estas la loko, kie vi por la unua fojo inteligente rigardis al vi mem: miaj unuaj patraj landoj estis libroj.» — Mémoires d'Hadrien

ReferencojRedakti

  1. Orientaj rakontoj, tradukis K. Gerlat, eld. SAT, suplemento al La Kancerkliniko n-ro 34, okt-nov-dec 2019, 31 paĝoj.
  2. (fr) La Fondation Marguerite Yourcenar : Une oeuvre à caractère écologique (Fondumo Marguerite Yourcenar: verkaro aspektanta ekologie) Muzeo Marguerite Yourcenar, Saint-Jans-Cappell, Francio