Nagyvázsony

Nagyvázsony (pron. nadjva'ĵonj) estas vilaĝo en Hungario, en regiono de Meza Transdanubio, en departemento Veszprém, en distrikto Veszprém. Nagy signifas: granda, Vázsony estis historia nomo, konata ankaŭ Vezseny.

Nagyvázsony
Flago	Blazono
Administrado
Poŝtkodo	8291 [+]
En TTT	Oficiala retejo [+]
Demografio
Loĝantaro	1 782  (2021) [+]
Loĝdenso	23 loĝ./km²
Geografio
Geografia situo	46° 59′ N, 17° 42′ O (mapo)46.983517.694080555556 [+]
Areo	76,29 km² (7 629 ha) [+]
Horzono	Mezeŭropa tempo [+]
DEC Situo de Nagyvázsony
Alia projekto
Vikimedia Komunejo Nagyvázsony [+]

Fortikaĵo de Kinizsi en Nagyvázsony.

Luterana preĝejo de Nagyvázsony

Bazaj informoj

• Areo: 76 km2
• Poŝtkodo: 8291
• Loĝantaro: 1800
• Telefonprefikso: 88

Situo

Nagyvázsony situas sur malebenaĵo en montaro de Bakony, laŭ flankovojoj, iom norde de Balatono.

Historio

Jam la romianoj vivis en tiu tereno. La unua mencio okazis en 1242, sed estis proksima vilaĝo Nemesleányfalu menciita jam en 1082. Baldaŭe la 2 vilaĝoj unuiĝis. Paŭlo Kinizsi konstruis fortikaĵon post 1472, kiu faris grava vilaĝo la tiaman "Vason". En la 16-a jarcento la fortikaĵo situis en fronto de la hungara-turka batalado. Lastfoje la turkoj bruldetruis la fortikaĵon en 1663. Post liberecbatalo de Francisko Rákóczi la 2-a graveco de la fortikaĵo perdiĝis, sed feliĉe la Habsburgoj ne detruis ĝin. Ĝi estas tre konata por hungaroj el legendo pri sia iama fortikaĵo-kapitano: Paŭlo Kinizsi, kiu vivis en la tempoj de Matiaso la 1-a (fine de la 15a jarcento). Restis iom da el lia fortikaĵo, kun loĝturo, ene muzeo funkcias. La vilaĝo partoprenas en festivalo "Valo de Artoj", kies centro estas Kapolcs.

Vidindaĵoj

romkatolika preĝejo en Nagyvázsony

• Fortikaĵo de Nagyvázsony
• Poŝta Muzeo en Nagyvázsony apud la fortikaĵo
• baroka-klasikisma Kastelo de Nagyvázsony el la fino de la 18-a jarcento
• romkatolika Preĝejo de Stefano la 1-a (Hungario) (Nagyvázsony)
• Kalvinana preĝejo (Nagyvázsony)
• Luterana preĝejo (Nagyvázsony)
• ruinoj de paŭlana monaĥejo kaj preĝejo

Festivalo

Ĉiujare somere okazas festivalo pri teatraĵoj, koncertoj, spektakloj ekde 1988. La partoprenantaj komunumoj estas:

Kapolcs	Monostorapáti	Nagyvázsony
Öcs	Pula	Taliándörögd
Vigántpetend

Legendo de Kinizsi

Kinizsi laboris en la muelejo, kiam alvenis reĝo Matiaso la 1-a. La reĝo soifis kaj petis akvon. Kinizsi metis la glason sur muelŝtonon - (ĉar ne estis pleto) - kaj per unu brako transdonis ĝin. Matiaso admiris kaj diris: Tia forta homo devas esti soldato en mia armeo. Fakte li famiĝis ankaŭ en la batalejo, kiel armeestro.

Famuloj

• en la vilaĝo naskiĝis poetino Zseni Várnai