Sebastian Münster
Sebastian MÜNSTER (naskiĝis en 1488 en Ingelheim, apud Mainz, mortis en 1552 en Bazelo) estis germana humanisto kaj unu el la 15 plej eminentaj hebreistoj de la reformacio. [1] Li ankaŭ estis kartografo, kosmografo, teologo, lingvisto en la kampo de ŝemidaj lingvoj kaj profesoro pri la hebrea lingvo.
| Sebastian Münster | |||||
|---|---|---|---|---|---|
| |||||
| Persona informo | |||||
| Sebastian Münster | |||||
| Naskiĝo | 20-an de januaro 1488 en Nieder-Ingelheim, Ingelheim,  Sankta Romia Imperio
| ||||
| Morto | 26-an de majo 1552 (64-jara) en Bazelo,  Svisa Ĵurkomunumo
| ||||
| Mortis pro | naturaj kialoj [#] | ||||
| Mortis per | pesto [#] | ||||
| Religio | luteranismo [#] | ||||
| Lingvoj | germana • latina • hebrea [#] | ||||
| Ŝtataneco | Germanio • Svislando [#] | ||||
| Alma mater | Universitato de Tubingeno [#] | ||||
| Profesio | |||||
| Okupo | kartografo • verkisto • tradukisto • universitata instruisto • cosmographer • hebreisto • matematikisto • teologo • eldonisto • Protestanta reformisto • geografo • astronomo [#] | ||||
| Laborkampo | geografio • teologio • Reformacio • astronomio • hebreiko • matematiko [#] | ||||
| Aktiva en | Bazelo • Heidelberg [#] | ||||
| Doktoreca konsilisto | Johano Stoflero [#] | ||||
| Verkado | |||||
| Verkoj | Cosmographia [#] | ||||
| |||||
| [#] | Fonto: Vikidatumoj | ||||
Kiel instruito pri la hebrea lingvo, li eldonis hebrean Biblion, akompanate de latina traduko. Ekde 1527 li ĉefe laboris en la universitato de Bazelo.
CefverkojRedakti
Lia ĉefa majstroverko, Cosmographia (1544), estas la plej frua germanlingva priskribo de la tiama konata mondo. Ĝi spertis multajn eldonojn en variaj lingvoj, inkluzive de la latina, la franca (tradukita de François de Belleforest), la itala, la angla kaj eĉ la ĉeĥa. La lasta germana eldono eldoniĝis en 1628, multe da jaroj post lia morto. La Cosmographia estis unu el la plej sukcesaj kaj popularaj libroj de la 16-a jarcento. Ĝi spertis 24 eldonojn dum 100 jaroj. Tia sukceso parte rezultas el la belegaj gravuraĵoj de la verko, fare de pluraj artistoj kiel Urs Graf, Hans Rudolph Manuel Deutsch kaj David Kandel. Tio grandege kontribuis al la disvolviĝo de geografio en 16-a jarcenta Eŭropo.
En 1540, Münster publikigis latinan eldonon de la Geographia de Ptolemeo, kune kun bildoj. La eldono de 1550 enhavas urbojn, portretojn kaj kostumojn.
Münster cetere verkis la vortaron Dictionarium trilingue en la latina, la greka kaj la hebrea. Li desegnis Mappa Europae (mapon de Eŭropo) en 1536.
- ↑ Matthew McLean, The Cosmograpia of Sebastian Munster, describing the world in the reformation, England: Ashgate, 2007, p 34, havebla ĉe la retejo de libroj de Goggle