Karibia Komunumo

La Karibia Komunumo (angle Caribbean Community and Common Market, CARICOM, do "Karibia Komunumo kaj Komuna Merkato") estas internacia organizaĵo kun ĉefa sidejo en Ĝorĝtaŭno (Gujano).

Karibia Komunumo
 membroŝtatoj  asocie ligitaj ŝtatoj  ŝtatoj de observa statuso
interregistara organizaĵo internacia organizaĵo komerca bloko
Komenco	4-a de junio 1973 vd
Antaŭe	Kariba Liberkomerca Asocio vd
Geografia situo	6° 49′ 14″ N, 58° 7′ 0″ U (mapo)6.82043-58.1168
Sidejo	Ĝorĝtaŭno
Karibia Komunumo (Gujano) DEC
Estr(ar)o	Edwin W. Carrington
Lingvoj	angla lingvo • hispana lingvo • nederlanda lingvovd
Filioj	CARICOM Regional Statistics (en) CARICOM Regional Organisation for Standards and Quality (en) vd
Retejo	Oficiala retejo
Jura formo	internacia organizaĵo

 membroŝtatoj  asocie ligitaj ŝtatoj  ŝtatoj de observa statuso
ĝenerala sekretario	Edwin W. Carrington
laborlingvo	angla
fondiĝo	4-a de julio 1973
ĉefa sidejo	Ĝorĝtaŭno, Gujano
retejo	www.caricom.org Arkivigite je 1998-07-11 per la retarkivo Wayback Machine

Historio

La organizaĵo fondiĝis en 4-an de julio 1973 kiel rezulto de 15-jaraj intertraktadoj, pere de la subskribo de la Traktato de Chaguamaras (Chaguaramas estas urbo sur la karibia insulo Trinidado). La unuaj kvar membroŝtatoj estis Barbado, Jamajko, Gujano kaj Trinidado kaj Tobago. La interŝtatan ligon antaŭis la "Karibia Liberkomerca Areo" (angle Caribbean Free Trade Area, CARIFTA).

Per la fondiĝo de la Karibia Komunumo komenciĝis la ŝanĝo de interŝtata kunlaboro de liberkomerca zono al interŝtata komunumo ne nur alstrebanta ekonomian kunlaboron - modelo estis kaj estas la Eŭropa Unio. En 2001 la registarestroj de la membroŝtatoj subskribis novan, reviziitan Traktaton de Chaguaramas, kiu plu respegulas tiun evoluon.

Membroj

Plenaj membroŝtatoj

centra oficejo de la Karibia Komunumo

 membroŝtatoj de la komuna karibia merkato

  membroŝtatoj ne partoprenantaj en la komuna karibia merkato

 asocie ligitaj ŝtatoj

 membroŝtatoj kies loĝantoj havas pasporton de la Karibia Komunumo

 membroŝtatoj kies loĝantoj ne havas pasporton de la Karibia Komunumo

 asocie ligitaj ŝtatoj

Plenaj membroŝtatoj estas la sekvaj 15 ŝtatoj kaj transmaraj teritorioj de Britio:

situo	ŝtato	aliĝo	Malneta enlanda produkto (2007)
	Antigvo kaj Barbudo	1974	1 089 milionoj da USD
	Bahamoj	1983	6 586 milionoj da USD
	Barbado	1973	3 739 milionoj da USD
	Belizo	1974	1 274 milionoj da USD
	Dominiko	1974	311 milionoj da USD
	Grenado	1974	590 milionoj da USD
	Gujano	1973	1 039 milionoj da USD
	Haitio	2002	5 435 milionoj da USD
	Jamajko	1973	11 206 milionoj da USD
	Moncerato	1974	mankas informo
	Sankta-Kito kaj Neviso	1974	527 milionoj da USD
	Sankta Lucio	1974	958 milionoj da USD
	Sankta Vincento kaj la Grenadinoj	1974	559 milionoj da USD
	Surinamo	1995	1 345 milionoj da USD (2005)
	Trinidado kaj Tobago	1973	20 700 milionoj da USD

Asocie ligitaj ŝtatoj

Asocie ligitaj ŝtatoj estas la sekvaj 5 transmaraj teritorioj de Britio:

situo	teritorio	aliĝo
	Angvilo	1999
	Bermudo	2003
	Britaj Virgulininsuloj	1991
	Kajmana Insularo	2002
	Turkoj kaj Kajkoj	1991

Observantaj ŝtatoj

Observan statuson havas la sekvaj ŝtatoj:

situo	areo
	Arubo
	Dominika Respubliko
	Meksiko
	Porto-Riko
	Venezuelo

Celoj

Ĉefa celo de la Karibia Komunumo estas la kunordigo pri la ekstera politiko de la membroŝtatoj kaj kunlaboro en la temaroj sano kaj sociaj aferoj, eduko, kulturo kaj sporto, scienco kaj tekniko. Cele al pli forta ekonomia integriĝo fondiĝis la Karibia Komuna Merkato (angle Caribbean Common Market, CCM). Ĝi konsistigas doganunion kun unuecaj eksteraj doganoj. Krome inter la membroŝtatoj ekzistas regularoj por evito de duoblaj impostoj kaj funkcias kunlaboro en la temaroj subteno de ekonomia evoluo kaj industriigo. La Karibia Komuna Merkato funkcias ekde la 1-a de januaro 2006. Ĝis la stato de januaro 2010 tamen el la 15 plenaj membroŝtatoj de la Karibia Konumuno nur 6 ŝtatoj partoprenas en la komuna merkato (Barbado, Belizo, Gujano, Jamajko, Surinamo, Trinidado kaj Tobago).

Krome la Karibia Komunumo penas enkonduki unuecajn komunumajn pasportojn por la loĝantoj de laŭeble multaj (aŭ ĉiuj) membroŝtatoj.

Signifo

En la membroŝtatoj de la Karibia Komunumo vivas proksimume 15 milionoj da homoj. La plej multaj ŝtatoj konsideratas evolulandoj kun malaltaj salajroj.

Vidu ankaŭ

• Petrocaribe

Literaturo

• R. A. Abdullah Khan: The Caribbean Court of Justice and Referrals from National Courts: Unavoidable Supremacy?, en: Griffin's View on International and Comparative Law 5.1 (2004) paĝoj 26-31. ligilo Arkivigite je 2005-05-15 per la retarkivo Wayback Machine.

Eksteraj ligiloj

• oficiala retejo de la Karibia Komunumo Arkivigite je 1998-07-11 per la retarkivo Wayback Machine