Diego Armando Maradona
Diego Armando MARADONA (naskiĝis la 30-an de oktobro 1960 - mortis la 25-an de novembro 2020) estis argentina futbalisto, konsiderata unu el la plej bonkvalitaj en la tuta mondo. Lia kutima pozicio estis tiu de mezkampulo. Li estas konata kiel el pibe de oro (la ora knabo) aŭ Pelusa (“Hararpilko” pro sia hararo).
| Diego Armando Maradona | |
|---|---|
 Maradona kontraŭ Italio, 1986. | |
| Persona informo | |
| Naskonomo | Diego Armando Maradona |
| Aliaj nomoj | Dios |
| Naskiĝo | 30-an de oktobro 1960 en Lanús |
| Morto | 25-an de novembro 2020 (60-jaraĝa) en Dique Luján |
| Mortokialo | Korhalto 
|
| Tombo | Jardín Bella Vista (en)  (2020–) 34° 35′ 49″ Sudo 58° 43′ 04″ Okcidento / 34.597025 °S, 58.717754 °U (mapo)
|
| Lingvoj | itala • hispana |
| Ŝtataneco | Argentino
|
Subskribo .svg)
| |
| Familio | |
| Frat(in)oj | Raúl Maradona (en) kaj Hugo Maradona
|
| Edz(in)o | Claudia Villafañe (en) (1989–2003)
|
| Infanoj | Dalma Maradona (en) , Gianinna Maradona (en) , Diego Sinagra (en)
|
| Okupo | |
| Okupo | futbalisto futbala trejnisto aktoro
|
Li naskiĝis proksime de la argentina ĉefurbo Bonaero kaj komencis ludi futbalon profesie kiel 15-jaraĝa en la klubo Argentinos Juniors. En 1980 li transiris al Boca Juniors.
Post unu jaro li komencis sian eŭropan karieron en la FC Barcelona de Barcelono en Katalunio, Hispanio. En 1984 li translokiĝis al Napolo, Italio, kun kies teamo li gajnis du naciajn ĉampionecojn de Italio kaj fariĝis vera loka idolo. En 1992 li ludis en la teamo de Sevilo kaj poste denove en Argentino en la teamoj Newell's Old Boys kaj denove Boca Juniors.
Liaj plej memorataj ludoj okazis kun la Argentina nacia teamo de futbalo, ĉefe en la Mondaj Ĉampionadoj de 1982, 1986, 1990 kaj 1994. Liaj du goloj en 1986 kontraŭ Anglio fariĝis festataj en la tuta lando kaj konataj en la mondo; Argentino ricevis la venkan Pokalon en tiu jaro. La unua golo kontraŭ Anglio estis farita de Maradona per pilkotuŝo de sia mano. Oni ofte parolas pri "la mano de dio" kiam oni parolas pri tiu golo.
Post sia retiriĝo li tre ofte aperis en amaskomunikiloj, ĉefe pro siaj sanproblemoj, plejparte okazigitaj pro sia trouzo de drogoj.
En la Futbala Mondpokalo 2010 li estis la trejnisto de la argentina nacia teamo.
Lia morto okazis je la 25-a de novembro, malmultaj tagoj post suferi cerbinfarkton. Li estis operaciita pri tio kaj post kelkaj postoperaciaj tagoj, li suferis korinfarkton kaj ne postvivis.