Malfermi la ĉefan menuon

Hans Michael Frank (naskiĝis la 23-an de majo 1900 en Karlsruhe, mortis la 16-an de oktobro 1946 en Nurenbergo) estis nazia germana politikisto. Li aliĝis al la Deutsche Arbeiterpartei (DAP) [Germana Laboristo-Partio], antaŭaĵo de NSDAP, jam en 1919, funkciis kiel advokato de Adolf Hitler kaj estis ĉefa juristo en la „Tria Regno“. Post 1933 li organizis la „Gleichschaltung“ (naziigon) de la justico en Bavario kaj poste en tuta Germanujo. Li estis parlamentano dum la Vajmara Respubliko kaj regna ministro senfaka. Dum la Dua Mondmilito li estis guberniestro ĝenerala, kaj samtempuloj nomis lin „buĉanto de Pollando“ aŭ „judobuĉinto de Krakovo[1]. Lia subministro Josef Bühler nomis lin en Nurenbergo „reĝo de Polujo“.[2]

Hans Frank
Bundesarchiv Bild 146-1989-011-13, Hans Frank.jpg
Persona informo
Naskonomo Hans Michael Frank
Naskiĝo 23-an de majo 1900 (1900-05-23)
en Karlsruhe
Morto 16-an de oktobro 1946 (1946-10-16) (46-jara)
en Nurenbergo
Mortokialo pendumo
Lingvoj germana lingvo
Ŝtataneco Germanio
Alma mater Munkena universitato
Subskribo Hans Frank
Familio
Edz(in)o Brigitte Frank
Infano Niklas Frank
Profesio
Profesio advokatopolitikisto
v  d  r
Information icon.svg

Frank apartenis al la 24 akuzitoj de la Nurenberga Proceso kontraŭ la ĉefaj militkrimuloj antaŭ la postmilite instalita Internacia Milita Juĝejo (International Military Tribunal (IMT) / Internationaler Militärgerichtshof (IMG), antaŭaĵo de la Internacia puna kortumo de 1998). Tiu kulpigis lin la 1-an de oktobro 1946 en du el tri akuzeroj kaj mortkondamnis lin. En la nokto de la 15-a al la 16-a de oktobro 1946 Frank estis ekzekutata per pendumado.

ReferencojRedakti

  1. Bavara Radio: [http://www.br-online.de/wissen-bildung/collegeradio/medien/geschichte/prozess/hintergrund/ Fonaj informoj pri la Nurenberga Proceso 1945/46.
  2. Der Prozess gegen die Hauptkriegsverbrecher vor dem Internationalen Militärgerichtshof, 23. April 1946, Bd. 12, S.95

Eksteraj ligilojRedakti