Alexander Korda
Siro Alexander Korda fakte Sándor László KELLNER (n. 16-an de septembro de 1893 en Pusztatúrpásztó (nuntempa Túrkeve, Hungario; m. 23-an de januaro de 1956 en London) estis juddevena hungara-brita filmproducento kaj reĝisoro. Liaj fratoj estis Vince Korda kaj Zoltán Korda.
| Alexander Korda | |
|---|---|
| |
| Persona informo | |
| Naskonomo | Kellner Sándor László |
| Naskiĝo | 16-an de septembro 1893 en Túrkeve |
| Morto | 23-an de januaro 1956 (62-jaraĝa) en Londono |
| Mortokialo | korinfarkto |
| Tombo | Golders Green Crematorium |
| Lingvoj | germana • hungara • angla |
| Ŝtataneco | Hungario • Unuiĝinta Reĝlando de Granda Britio kaj Irlando • Unuiĝinta Reĝlando (Britio) |
| Familio | |
| Frat(in)oj | Zoltán Korda • Vince Korda |
| Edz(in)o | María Corda • Merle Oberon • Alexandria Boycun |
| Infano | 1 |
| Parencoj | Michael Korda Chris Korda |
| Okupo | |
| Okupo | filmreĝisoro • filmproduktoro • scenaristo • produktoro • reĝisoro |
Post la pariza studvojaĝo, li unuafoje ricevis eblon por reĝisorado en Kolozsvár en 1916 ĉe Jenő Janovics [janoviĉ jeno]. Li iĝas sukcesa reĝisoro kaj poste ĉefreĝisoro de la propra filmprodukta firmao, Corvin.
Dum la Hungara Sovetrespubliko en 1919 li agadis kiel direktorano kaj kiel arta gvidanto de la hungara filmproduktado. Post kolapso de la komunisma ekpserimento en Hungario, li forlasas la landon kaj eklaboras en 1919 en Aŭstrio. Li kreas en 1923 propran fimproduktan firmaon en Berlino. En 1926 li laboras alterne en Britio kaj Hollywood. En 1932 li kreas propran fimproduktan firmaon en Anglio, London Film.
Korda faris mutfilmojn en Hungario ekde 1914 kaj kelkajn filmojn en Aŭstrio. Fine de la 1920-aj jaroj, li translokiĝis al Anglio kaj komencis surfilmigi tie sonfilmojn. Kiel producento li helpis la junajn talentojn kaj apogis Laurence Olivier, David Lean kaj Carol Reed.
Alexander Korda mortis en 1956 je koratako..
Li ricevis kavaliran rangon pro la renaskigo de la angla filmindustrio.
Lian nomon portos - laŭ planoj ekde novembro de 2005 - filmstudio en Hungario, en Etyek, konstruata far Andy Vajna.
Filmografio redakti
- Ombrelo de Sankta Petro (filmo de 1917)
- 1930 - Lilies of the Field
- 1931 - Marius - komuna reĝisorado kun Marcel Pagnol
- 1933 - The Private Life of Henry VIII. - kun Charles Laughton kaj Robert Donat
- 1934 - The Private Life of Don Juan (kun Douglas Fairbanks sen. kaj Merle Oberon)
- 1936 - Rembrandt - kun Charles Laughton
- 1941 - That Hamilton Woman - kun Vivien Leigh kaj Laurence Olivier
- 1945 - Perfect Strangers - kun Robert Donat kaj Deborah Kerr
- 1947 - An Ideal Husband - kun Paulette Goddard
filmografio (kiel produktanto) redakti
- 1934 - The Scarlett Pimpernel - reĝisorado: Harold Young (kun Leslie Howard kaj Merle Oberon)
- 1936 - The Man Who Could Work Miracles - reĝisorado: Lothar Mendes
- 1937 - I, Claudius - reĝisorado: Josef von Sternberg (kun Charles Laughton kaj Merle Oberon)
- 1937 - Elephant Boy - reĝisorado: Zoltan Korda (kun Sabu)
- 1939 - The Four Feathers - reĝisorado: Zoltan Korda
- 1940 - Ŝtelisto de Bagdad - reĝisorado: Ludwig Berger (kun Sabu kaj Conrad Veidt)
- 1941 - Lydia - reĝisorado: Julien Duvivier (kun Merle Oberon)
- 1942 - Esti aŭ neesti - reĝisorado: Ernst Lubitsch (kun Carole Lombard kaj Jack Benny)
- 1942 - La ĝangala libro - reĝisorado: Zoltan Korda (kun Sabu)
- 1948 - Anna Karenina - reĝisorado: Julien Duvivier (kun Vivien Leigh kaj Ralph Richardson)
- 1949 - La tria hompo - reĝisorado: Carol Reed (kun Joseph Cotten kaj Orson Welles)
- 1955 - Storm over the Nile - reĝisorado: Zoltan Korda
Eksteraj ligiloj redakti
- http://www.film-zeit.de/home.php?action=result&sub=person&person_id=11274 Arkivigite je 2006-01-17 per la retarkivo Wayback Machine
- http://www.imdb.com/name/nm0466099
- http://www.webenetics.com/hungary/filmartsandmedia2.htm Arkivigite je 2005-12-24 per la retarkivo Wayback Machine
- http://www.nemzetismeret.hu/index.php?id=9.4