Raymond Aron
Raymond ARON, Parizo, 14a de marto 1905 - Parizo, 17an de oktobro 1983, estis franca filozofo, sociologo, politologo, historiisto kaj ĵurnalisto.
| Raymond Aron | |
|---|---|
.jpg)
| |
| Persona informo | |
| Naskiĝo | 14-an de marto 1905 en Parizo |
| Morto | 17-an de oktobro 1983 (78-jara) en Parizo |
| Mortokialo | korinfarkto |
| Tombo | Tombejo de Montparnasse |
| Lingvoj | franca lingvo • germana lingvo |
| Ŝtataneco | Francio |
| Alma mater | Supera normala lernejo • Instituto pri Politikaj Studoj de Parizo • Universitato de Parizo • Lycée Condorcet |
Subskribo 
| |
| Familio | |
| Patro | Gustave Aron |
| Frat(in)o | Adrien Aron |
| Edz(in)o | Suzanne Aron |
| Infano | Dominique Schnapper |
| Profesio | |
| Profesio | ĵurnalisto • filozofo • verkisto • politikologo • sociologo • profesoro • ekonomikisto |
Dekomence amiko kaj samklasano de Jean-Paul Sartre kaj Paul Nizan ĉe la porinstruista altlernejo, li iĝis, pro la ascendo de la totalismoj, arda defendanto de la liberalismo, kontraŭ la intelektula pacifisma kaj maldekstrema etoso tiam hegemonia. Li denoncis ankaŭ, en sia verko L'Opium des intellectuels, la blindemon kaj la bonvolemon de intelektuloj rilate al komunismaj reĝimoj.
Dum tridek jaroj, li estis ĉefredaktoro de la ĵurnalo Le Figaro. Dum siaj lastaj jaroj, li laboris en L'Express. Pro siaj kapabloj kaj diverseco de centroj de intereso — en ekonomio, sociologio, filozofio, geopolitiko — li distingiĝis kaj akiris grandan reputacion inter intelektuloj. Liaj liberalaj kaj nordatlantikaj konvinkoj havigis al li nombrajn kritikojn, venantaj kaj el partianoj de la maldekstro kaj de la dekstro.
Li havis tamen laŭlonge de sia vivo moderan sintenon. Li estis fama komentisto de Karl Marx, Carl von Clausewitz, Aleksandr Kojevnikov kaj Sartre.