Johann Moritz von Nassau-Siegen

Johann Moritz von Nassau-Siegen [johan moric fon nasaŭ-si:gen] (en Brazilo nomata Maurício de Nassau) (naskiĝinta la 17-an de marto, 17-an de junio aŭ 18-an de junio 1604 je Dillenburg; mortinta la 20-an de decembro 1679 en Berg und Tal en la komunuma parto Hau de la komunumo Bedburg-Hau) estis nederlanda feldmarŝalo, filo de Johano "la Meza", grafo de Nassau-Siegen, kaj Margareth, princino de Holstein-Sonderburg. Li ricevis la nomon Moritz (Maŭrico) laŭ kuzo de sia patro, Maŭrico de Oranĝo.

Johann Moritz von Nassau-Siegen
Persona informo
Johann Moritz Fürst von Nassau-Siegen
Naskiĝo	17-an de junio 1604 (1604-06-17) en Dillenburg
Morto	20-an de decembro 1679 (1679-12-20) (75-jaraĝa) en Bedburg-Hau
Tombo	Princa kripto de Nassau-Siegen, Suba Kastelo, Siegen vd
Lingvoj	nederlanda vd
Ŝtataneco	Respubliko de la Sep Unuiĝintaj Provincoj vd
Alma mater	Universitato de Bazelo (1614–1615) vd
Familio
Dinastio	Nassau vd
Patro	John VII, Count of Nassau-Siegen (en) vd
Patrino	Margrethe of Slesvig-Holsten-Sønderborg (en) vd
Gefratoj	Marie Juliane von Nassau-Siegen, Henry of Nassau-Siegen (en) , George Frederick, Prince of Nassau-Siegen (en) , Amelie of Nassau-Siegen (en) , Wilhelm Otto von Nassau-Siegen (en) , Louisa Christine of Nassau-Siegen (en) , Sophie Margaret of Nassau-Siegen (en) , Bernhard of Nassau-Siegen (en) , Christian of Nassau-Siegen (en) , Catherine of Nassau-Siegen (en) , John Ernest of Nassau-Siegen (en) kaj Elizabeth Juliana of Nassau-Siegen (en) vd
Parencoj	Vilhelmo la 1-a de Oranje-Nassau (praonklo) Elizabeto Ĉarloto de Palatinato (duaranga kuzo aŭ kuzino) Countess Louise Henriette of Nassau (en) (duaranga kuzo aŭ kuzino) John Ernest van Nassau-Siegen (en) (patra duonfrato) John VIII, Count of Nassau-Siegen (en) (patra duonfrato) Elizabeth of Nassau-Siegen (en) (patra duonfratino) Adolf of Nassau-Siegen (en) (patra duonfrato) Countess Juliane of Nassau-Siegen (en) (patra duonfratino) Anne Marie of Nassau-Siegen (en) (patra duonfratino) John Albert of Nassau-Siegen (en) (patra duonfrato) William of Nassau-Siegen (en) (patra duonfrato) Anna Johanna of Nassau-Siegen (en) (patra duonfratino) Frederick Louis of Nassau-Siegen (en) (patra duonfrato) Magdalena of Nassau-Siegen (en) (patra duonfratino) John Frederick of Nassau-Siegen (en) (patra duonfrato) vd
Profesio
Okupo	politikisto diplomato militestro militisto guberniestro vd
Aktiva en	Recife vd
Honorigoj Honorigoj (28-a de majo 1649)  Kavaliro de la Elefant-ordeno vd
Administranto de la nederlanda kolonio de Brazilo
Dum	1637-1644
Ordenestro de la Ordeno de Johanitoj
Dum	1652–1679
Antaŭulo	Adamo de Ŝvarcenbergo
vd	Fonto: Vikidatumoj

Johann Moritz, pentrita de Pieter Nason.

Li studis en la universitatoj de Herborn, Bazelo kaj Ĝenevo (Svisio). La junulo eniris la nederlandan armeon dum la Tridekjara milito kaj partoprenis la batalojn de Breda (1625), Maastricht (1632) kaj Schenckenshaus (1636).

Dum 1632 li komencis konstruadon de palaco Mauritius, en Hago, projekto kiu malpligrandigis liajn monrimedojn. Pro tio, li akceptis la inviton administri la Nederlandan Brazilon.

Nassau sur ŝipo forlasis havenon de la nederlanda insulo Texel la 25-an de oktobro 1636 kaj alvenis Recifon la 23-an de januaro 1637.

Bona administranto, sub lia regado (1637-1644) la nederlanda kolonio de Brazilo atingis la plej altan rangon. Li solidigis la militan okupon de provincoj Pernambuko, Paraibo, Alagoaso kaj Norda Rio-Grando kaj aneksis la provincojn Cearao, Serĝipo kaj Maranjo. Johann Moritz von Nassau-Siegen faciligis la monprunton al brazilaj sukerfabrikantoj kaj permesis la religian liberecon por altiri judojn, kiuj konstruis en Recifo la unuan sinagogon de Ameriko.

Por reformi Recifon, li kreis la kvartalon Mauritsstadt, kun kanaloj, digoj kaj defluejo. Konstruis la palacojn Vrijburg kaj Boa Vista, botanikan kaj zoologian ĝardenojn, muzeon kaj astronomian observejon. El Eŭropo li altiris artistojn, kuracistojn kaj sciencistojn kiel Albert Eckout, Frans Post, Sebastianzoon Cornelis Goliath, Georg Marcgraf kaj Willem Piso.

Post sep jaroj, li ekkonfliktis kun la nova administro de la Nederlanda Okcidenthinda Kompanio (WIC) kaj lasis sian postenon la 23-an de majo 1644.

En Eŭropo, li ricevis promocion al Generalo de Kavalerio kaj estis nomita komandanto de gardo de Wessel. Estis estro de Kleve (1647) kaj ambasadoro apud la kortego de Frankfurto ĉe Majno. En 1652 fariĝis Komandanto de Ordeno de Johanitoj por norda Germanio kaj ricevis la titolon princo de Sankta Romia Imperio. Batalis kontraŭ la episkopo de Münster (1665) kaj, poste, kontraŭ la francoj (1667) kaj hispanoj (1671). Sepdekjaraĝa li estis nomita guberniestro de Utrecht (1674).

Johann Moritz von Nassau-Siegen mortis la 20-an de decembro 1679 en Berg und Tal apud Kleve.

Vidu ankaŭ

• 11238 Johanmaurits, asteroido
• Ordeno de Johanitoj, kies estro (Herrenmeister) li estis 1652–1679