Samuel Gottlieb Gmelin

Samuel Gottlieb Gmelin (1744-1774), ankaŭ konata kiel "Samuel Theophilus Gmelin", nevo de la botanikisto Johann Georg Gmelin (1709-1755), estis germana kuracisto, botanikisto kaj naturalisto, kies aventuroj en Dagestano, finiĝis en tragedio. Kune kun Johann Anton Güldenstädt (1745-1781) kaj Ivan Ivanoviĉ Lepyokhin (1740-1802), li estis sendita de la reĝino Katerina la 2-a, por esplori la marbordojn de la Kaspia Maro, sed, en la 5-a de februaro 1774, li estis arestita de kirgizaj tartaroj, kaj post vojaĝi inter 1768 kaj 1773, Gmelin iĝis arestito de tartara estro, kiu, elreviĝinta pro la sumo postulita por lia liberigo, traktis la vojaĝanton tiel kruele, ke li mortis en kaptiteco.

Samuel Gottlieb Gmelin (1744-1774)
Germana kuracisto, botanikisto kaj naturalisto.
Persona informo
Samuel Gottlieb Gmelin
Naskiĝo	4-a de julio 1744 en Tübingen, Germana Imperio
Morto	27-a de julio 1774 en Achmedkent, Dagestano, nuna Rusio
Lingvoj	germana vd
Ŝtataneco	Rusia Imperio vd
Alma mater	Universitato de Tübingen Rusa Akademio pri Sciencoj Universitato de Lejdeno Universitato de Parizo
Familio
Patro	Johann Konrad Gmelin vd
Gefratoj	Christian Gottlieb Gmelin (apotekisto) vd
Profesio
Okupo	esploristo entomologo kuracisto ornitologo botanikisto filikisto universitata instruisto vd
Laborkampo	Plantoscienco vd
Doktoreca konsilisto	Johann Georg Gmelin vd
Membrecoj Membrecoj Rusia Akademio de Sciencoj Peterburga Akademio pri Sciencoj vd
vd	Fonto: Vikidatumoj

Lia morto rezultis en rusa punekspedicio, kiu mallongatempe konkeris Derbent-on. Li vojaĝis tra Francio kaj Nederlando, kaj iĝinte renoma pro siaj konoj pri naturhistorio, li iĝis profesoro en la Imperia Akademio de Sankt-Peterburgo.

Biografio

Gmelin estis filo de Johann Konrad Gmelin (1707-1759) kaj de lia edzino Maria Veronika Erhardt (17.09.1713 Urach - 30.04.1797 Tübingen); la apotekisto Christian Gottlob Gmelin (10.01.1749 Tübingen - 08.12.1809 Tübingen) estis lia pli juna frato. En la Universitato de Tübingen, Gmelin studis medicinon kaj en 1763 li ricevis sian diplomon pri doktoreco. Li tiam studis en la Universitato de Lejdeno kie li konatiĝis kun la naturalisto Peter Simon Pallas.

Post alia studo-vojaĝo al Sorbono, en Parizo li ekamikiĝis kun la botanikisto Michel Adanson, li reiris al sia naskiĝurbo. En 1767, li nomumiĝis profesoro pri botaniko en la Botanika Ĝardeno de Sankt-Peterburgo. En la sekvanta jaro, li ricevis postenon en la Universitato de Tübingen kaj li deziris senprokraste ekpreni tiun oficon post sia esplorvojaĝo. Tamen, laŭpete de la rusa imperiestrino, Katerina la 2-a, Gmelin plenumis ekspedicion tra la Valdajaj Altaĵoj, Moskvo kaj Tula, ĝis Voroneĵ.

Sekve, li daŭrigis printempe de 1769, en Ĉerkassk kaj Caricino ĝis Astraĥano. Ekde tie, Gmelin kuniĝis al Peter Simon Pallas ĝis Persio, en 1770. La vojaĝo trairis plurajn lokojn, tiaj kiaj Derbent, Bakuo, Saljano, Enzeli, Raŝto, Gilano kaj Sario. En la Morava starigejo de Sarepta (nun parto de Volgogrado), li vintriĝis kaj tie li edziĝis al Anna (1744-1828), filino de la kapitano de la czarisma ŝiparo Jacob de Chappuzeau.

Verkaro

• Historia fucorum 1768
• Resp. Problema practicum, an achorum insitio imitando variolarum insitionem ... 1762
• Travels Through Northern Persia
• Reise durch Rußland zur Untersuchung der drey Natur-Reiche: Reise ... 1774
• Samuel Georg Gmelins, Doctors der Arney-Gelartheid, der Kayserl ... 1774
• Resp. Problema practicum, an achorum insitio imitando variolarum insitionem ... 1762
• Reise durch Russland zur Untersuchung der drei Naturreiche

Literaturo

• Archiv Der Pharmazie: Chemistry in Life Sciences
• Personality and Place in Russian Culture: Essays in Memory of Lindsey Hughes
• Before Boas: The Genesis of Ethnography and Ethnology in the German ...
• The Progress of Science, Art and Literature in Russia
• Allgemeine Deutsche Biographie
• Neue Deutsche Biographie
• Personensuche
• A general biographical dictionary

Vidu ankaŭ

• Dinastio Gmelin