Tadornenoj

La Tadornenoj estas la tadorna subfamilio de la Anasedoj, nome la biologia familio kiu inkludas la anasojn kaj plej anasecajn akvobirdojn kiaj la anseroj kaj la cignojn.

Kiel legi la taksonomion Tadornenoj
Ordinara tadorno (Tadorna tadorna)
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Anseroformaj Anseriformes Familio: Anasedoj Anatidae Subfamilio: Tadornenoj Tadorninae Genro: [[]]
Aliaj Vikimediaj projektoj

Tiu grupo estas tre tropika aŭ sudhemisfera laŭ distribuado, kun nur du specioj, nome la Ordinara tadorno kaj la Rusta tadorno reproduktantaj en nordaj moderklimataj regionoj, kvankam la Kresta tadorno (supozeble formortinta) estis ankaŭ norda specio.

Plej el tiuj specioj havas distingan plumaron, sed ne estas modelo ĉu ambaŭ seksoj estas similaj, eĉ ene de ununura genro.

Sistematiko

Sekve la revizio de Livezey (1986), kelkaj specioj iam klasitaj kiel aberaciaj plaŭdanasoj aŭ kairinenoj estis lokitaj en la Tadornenoj. Analizoj pere de DNA (Sraml et al. 1996, Johnson & Sorenson 1999) levis dubon pri la lokigo de kelkaj genroj; multaj supozataj plaŭdanasoj kaj unu pekuliara ansero povus pli ĝuste aparteni ĉi tien, dum kelkaj genroj supozataj proksimaj al la tadornoj ŝajne havas diferencajn rilatarojn kune.

La disponebla informo indikas, ke la Tadornenoj estas, kiel ties aspekto sugestas, iome intermezaj inter anseroj kaj plaŭdanasoj, sed la molekula informaro sugestas, ke ili ne estas la ununura stirpo kiu evoluis al pli anaseca morfologio, kun la plonĝanasoj kaj la maranasoj pli malproksimaj.

FAMILIO ANASEDOJ
Subfamilio Tadornenoj

• Senerare lokitaj en tiu grupo:
  • Pachyanas: Ĉathama anaso (Ĉatham-insuloj, fina Kvaternaro)
  • Tadorna: tadornoj (Eŭropo, Afriko, Aŭstralazio; 7 specioj) - eble parafiletika
  • Salvadorina: Salvadoria anaso (Novgvineo) – iam en Anasedoj kaj "Kairinenoj"
  • Centrornis: Madagaskara tadorno (Madagaskaro, fina Kvaternaro)
  • Alopochen: Afrikaj kaj Maskarenaj tadornoj (Afriko kaj Madagaskara regiono; 1 vivanta specio nome Nila ansero, 2-3 formortintaj)
  • Neochen: Orinoka ansero (Sudameriko)
  • Chloephaga: Kaŭkenoj (Sudameriko; 5 specioj)
  • Hymenolaimus: Blua anaso (Novzelando) - iam en "kairinenoj"
  • Merganetta: Torentanaso (Andoj, Sudameriko) – iam en "kairinenoj"

• Provizore lokitaj en tiu grupo:
  • Malacorhynchus: Zebranaso (Aŭstralio; 1 vivanta specio, 1 specio de fina Kvaternaro) - eble pli proksima al Oksiurenoj
  • Sarkidiornis: Krestobeka anaso (Sudameriko, Afriko, Barato) – iam en "kairinenoj"; povus aparteni al Anasenoj
  • Cyanochen: Bluflugila ansero (Etiopio) - povus aparteni al distinga subfamilio
  • Tachyeres: Vaporanasoj (Sudameriko; 4 specioj) - povus aparteni al Anasenoj

• Povus aparteni al Tadornenoj, nune lokita aliloke:
  • Aix: Mandarenanaso kaj Arbanaso (Orientazio kaj Nordameriko, respektive)
  • Cairina moschata: Moskanaso (tropika Ameriko; genro Cairina povus esti parafiletika)
  • Cereopsis: Cindrogriza ansero (Aŭstralio)
  • Callonetta: Ringanaso (Sudameriko)
  • Chenonetta: Krinanaso ( Aŭstralio kaj iam Novzelando; 1 vivanta specio, 1 formortinta)

Referencoj

• Johnson, Kevin P. & Sorenson, Michael D. (1999): Phylogeny and biogeography of dabbling ducks (genus Anas): a comparison of molecular and morphological evidence. Auk 116(3): 792–805. PDF plena teksto Arkivigite je 2007-02-05 per la retarkivo Wayback Machine

• Livezey, Bradley C. (1986): A phylogenetic analysis of recent anseriform genera using morphological characters. Auk 103(4): 737-754. PDF plena teksto Arkivigite je 2010-08-05 per la retarkivo Wayback Machine

• Sraml, M.; Christidis, L.; Easteal, S.; Horn, P. & Collet, C. (1996): Molecular Relationships Within Australasian Waterfowl (Anseriformes). Australian Journal of Zoology 44(1): 47-58. COI:10.1071/ZO9960047 (HTML resumo)