UK 2022

La 107-a Universala Kongreso de Esperanto (UK) okazis de la 6-a ĝis 13-a de aŭgusto 2022 en Montrealo (Kanado). Ĝia temo estis “Lingvo, vivo, tero: Jardeko de Indiĝenaj Lingvoj”. La kongresejo estis la urbocentra universitato UQAM. Oni unue planis la kongreson por 2020, sed oni poste ŝovis ĝin je du jaroj pro la kronvirusa pandemio. La Kanada Esperanto-Asocio (KEA) estis la invitanto kaj Esperanto-Societo Kebekia (ESK) estis la loka organiza forto de la evento. La lasta fojo, kiam la Universala Kongreso okazis en Kanado, estis en 1984 en Vankuvero, kaj la lasta fojo, kiam la UK okazis en la orienta parto de Nord-Ameriko, estis en 1910 en Vaŝingtono (Usono).

UK 2022
Loko	Montrealo, Kebekio,  Kanado
Oficiala retejo	esperanto2022.ca
← Antaŭa	Sekva →

en la konferencejo Le Centre Sheraton Hotel la 6-an de aŭgusto komenciĝis la kongreso

Konstruaĵo J.-A.-De Sève de la Universitato de Kebekio ĉe Montrealo (UQAM), kongresejo

La solena inaŭguro de la kongreso okazis la 6-an de aŭgusto en la konferencejo Le Centre Sheraton Hotel, sed la plej multaj programeroj okazis en la Universitato de Kebekio ĉe Montrealo (UQAM), kio sekve konsideriĝas la kongresejo.

Rogener Pavinski reĝisoris kaj produktis dokumentan filmon pri tiu ĉi kongreso.

Organiza teamo

La kerna teamo konsistis el ses lokanoj:

• Normand Fleury, estrarano kaj dum longa tempo prezidanto de Esperanto-Societo Kebekia (ESK), kiun UEA honoris pro la elstara agado dum la solena fermo de la 102-a UK en Seulo (Sud-Koreujo), estis la LKK-estro.
• Nicolas Viau, prezidanto de ESK, estis ankaŭ la vicprezidanto de la LKK kaj zorgis pri alekstera komunikado.
• Joel Amis, la antaŭa ekzekutiva direktoro de Esperantic Studies Foundation (ESF), estis alia vicprezidanto de la LKK.
• Garry Evans, profesia ekonomikisto, estis la kasisto.

Memortabulo al Albert Saint-Martin

• Suzanne Roy (Suzano la Dua), la respondeculo pri ekskursoj
• Eugenia Amis, redaktoro de La Riverego kaj antaŭa redaktoro de Kontakto, okupiĝis pri la rilatoj kaj komunikado kun esperantistoj.

Heredaĵo

Post la kongreso, kiel heredaĵo de la 107a UK, la organiza komitato senvualigis la 8an de septembro de 2023 memortabulon pri la pionira montreala esperantisto Albert Saint-Martin ĉe parko en la arondismento Le Plateau-Mont-Royal kiu jam portis lian nomon pro liaj politikaj aktivecoj.

Vidu ankaŭ

• IJK 2022 - en Nederlando
• Ligo de Samseksamaj Geesperantistoj, refondiĝo
• Unio Internacia de Advokatoj Esperantlingvaj, fondiĝo
• 1910 (teatraĵo)

Eksteraj ligiloj

• Oficiala retejo (esperante, france kaj angle)
• 18-minuta dokumenta filmo pri la kongreso (esperante)
• 1910 - Originala Filmo de la teatraĵo, kiu premieris dum la kongreso
• iuj fotoj de la kongreso en la retejo de la Kanada Esperanto-Asocio, kun ligilo al pli vasta reta stokejo de fotoj
• la oficiala kongresa foto, kun preskaŭ ĉiuj kongresanoj