UK 2011

La 96-a Universala Kongreso (UK) de Esperanto okazis ekde la 23-a ĝis la 30-a de julio 2011 en Kopenhago, la ĉefurbo de Danio. Aliĝis 1458 personoj el 66 landoj.

UK 2011
Loko	Kopenhago, Regiono Hovedstaden,  Danio
Ekde	23-a de julio 2011
Ĝis	30-a de julio 2011
Oficiala retejo	www.96uk-kopenhago.dk
← Antaŭa	Sekva →

emblemo de la UK 2011.

Kongresurbo

Kopenhaga Kongresa Centro, la kongresejo

LKK-prezidantino Ileana Schrøder dum la akcepto en kopenhaga urbodomo.

La decidon pri elekto de Kopenhago kiel kongresurbo faris kaj diskonigis la estraro de UEA dum la 94-a UK okazinta en Bjalistoko 2009. Por organizi la Kongreson, kun Kopenhago konkuris Madrido. Kopenhago akceptis la kongreson jam la kvaran fojon en historio: antaŭaj UK-j tie okazis en la jaroj 1956, 1962 kaj 1975.

Kongresa temo

Laŭ decido de la Estraro de UEA, farita oktobre 2010, la temo de la 96-a UK estas "Dialogo kaj interkompreno" kaj rilatas al la Internacia Jaro de la Junularo, anoncita de Unuiĝintaj Nacioj. Irina Bokova, la Ĝenerala Direktoro de Unesko, sendis al la kongreso salutmesaĝon. Enkondukon al la temo dum la solena inaŭguro de la kongreso faris Pernille Fenger, direktorino de la Kopenhaga oficejo de la Loĝantara Fonduso de Unuiĝintaj Nacioj (UNPF).

Programeroj

Dum la 64a sesio de la Internacia Kongresa Universitato oni prezentis prelegojn pri astronomio, oksigeno, la hebrea lingvo, studaro pri la ĉielo, vikingoj, aidoso, homaranismo, Otto Jespersen kaj maŝintradukado kaj Apertium.

Grava okazintaĵo estis la prezentado de la teatraĵo Dek tagoj de kapitano Postnikov laŭ romano de Mikaelo Bronŝtejn fare de la asocio de dramaj artistoj de Serbio Savez Dramskih Umetnika Srbije kun Saŝa Pilipoviĉ en la rolo de Aleksandar Postnikov.

Programo

Kongresaj programeroj Solena Inaŭguro Unuafojaj Kongresanoj Junulara Programo Libroservo Tago de la Lernejo Libroj de la Jaro Oratora Konkurso Belartaj Konkursoj Aŭkcio Ekumena Diservo, en Katedralo Vor Frue Bankedo Kongresa Balo Postkongresaj Partoprenantoj Venontaj UK-oj Solena Fermo Trejnaj programoj kaj ekzamenoj Dana Eksprese Kantateliero (Kajto) Paroligaj lecionoj kun edukado.net (komencantoj, mezniveluloj) Metiejo kun edukado.net Ekzameno por Blinduloj KER-ekzameno (parola, skriba) Lingva agado Akademio de Esperanto Akademio Literatura de Esperanto Esperantologia Konferenco Terminologia Forumo (TF) Movadaj aranĝoj Komitato de UEA Subkomitatoj: Edukado, Eksteraj Rilatoj, Financo/Administrado, Informado, Junularo, Kulturo, Landa Agado, Scienca kaj Faka Agado Estraro Respondas Centra Oficejo Respondas TEJO Sin Prezentas Patronoj de TEJO Legantoj de Esperanto Delegita Reto Movada Foiro Strategia Forumo

Regiona agado Landa Agado Landaj Asocioj UN/Unesko Afrika Komisiono Amerika Komisiono Azia Komisiono (KAEM) Eŭropa Esperanto-Unio (EEU; publika; fermita) Mez-Oriento kaj Norda Afriko Oceania Komisiono Fakaj asocioj Faka Forumo Amikaro de Bruno Gröning Ateistoj (ATEO) Blinduloj (LIBE) Budhanoj (BLE) CED Fervojistoj (IFEF) Ĝemelaj Urboj Indiĝenaj Popoloj Instruistoj (ILEI) Itala Esperanto-Federacio (IEF): kongresoj en Italio Juristoj (EJA) Ĵurnalistoj (TEĴA) Kat-amantoj (Rondo Kato) Komercistoj (IKEF) Komunistoj (IKEK) Kristanoj (KELI/IKUE) Medicinistoj (UMEA) Naturkuracistoj (INA) Nefumantoj (TADEN) Oomoto Politiko (EDE; programo, sekcioj, diskutoj, dialogiko, demokrateco, Esperanto) Radioaŭskultantoj (AERA) Samseksamuloj (LSG) Sciencamikoj (ISAE) Sennaciistoj (SAT) Tutmondeca Esperanto Unu Mondo (germana politika partio) Ŭonbulismo Vegetaranoj (TEVA) Verduloj (AVE)

Organizaĵoj Esperantic Studies Foundation (ESF) kaj Esperanto Internacia Fondaĵo Ivo Lapenna Klubo Elito (por E-projektoj) Societo Zamenhof Kleriga programo IKU (Astori, Barandovská, Bojaĝieva, Høg, Kadoja, Nordfalk, Sadan, Vergara, Wandel) AIS ( Bojaĝieva, Sadan, Wandel) Danaj Prelegoj: Niemann, Nordenstorm, Therkelsen, Trærup, Ziegler Kleriga lundo (Baláž, Blahuš, Gaus; Corsetti, Berveling, Prytz; Tonkin; Tytgat; Kóródy, Zilvar, Kee; Nordfalk; Blahuš; Hori; Moon; Schwarzer; Löwenstein; Kóródy, Zilvar; Gubbins; Hemelaar, Montesinos; Brewer) Aliaj prelegoj kaj prezentoj Sankta Birgita de Svedio, patronino de Eŭropo: A. Lundkvist Tri verkistoj (pri Baghy, Kalocsay kaj Sekelj) De 42-a UK al 41-a IJK Spiritisma Eldona Asocio F. V. Lorenz Venku Fejsbuk-e: E. Miyoshi Spektakloj Nacia Vespero, (Tivoli-koncertejo) Internacia Arta Vespero Kariljon-koncerto (publika), Helligåndskirken Koncertoj Kajto Ĵomart kaj Nataŝa Espo-Despo Solotronik Rêverie Internacia Koruso Danckoncerto: Yoana Strateva kaj Jean-Louis Gobeau Filmoj La universala lingvo Atako de la lunaj zombioj Teatro Dek tagoj de kapitano Postnikov

Kongresa Rezolucio

de la 96-a Universala Kongreso de Esperanto en Kopenhago

Ni, la partoprenantoj en la 96-a Universala Kongreso de Esperanto, venintaj al Kopenhago el 66 landoj por komune dialogi pri la iniciato kiun UN lanĉis per la proklamo de Internacia Jaro de la Junularo,

efektiviginte multvidpunktan diskutadon pri tiu temo, en etoso de interkomprenemo kaj efika komunikado, ĉerpinte el niaj unuopaj kaj kolektivaj spertoj kiel anoj de diversaj socioj, aĝogrupoj, etnoj, seksoj, mondbildoj, politikaj sintenoj kaj religiaj konvinkoj, agnoskinte la kontribuojn de la junularo al la socio kaj la neceson malfermi ŝancojn por ĝia partopreno en la kolektivaj decidoprocezoj, por taŭge alfronti la diversajn defiojn kaj ŝancojn de la nuna realo -- sociekonomiajn, ekologiajn, politikajn, teknologiajn ktp -- cele al la estonteco de la homaro kaj la planedo, konstatinte ke tra la epokoj kaj kulturoj, la diversaj generacioj rilatis inter si laŭ variaj modeloj kaj strategioj, kun foja estiĝo de aparta junulara kulturo, kaj ke en la Esperanto-movado mem tio esprimiĝis ekz. per la efike avangarda rolo plenumita de ties junulara branĉo en apartaj historiaj turnopunktoj,

rekomendas ke la unuopaj organizaj instancoj kaj sociaj medioj de la Esperantaj movado kaj komunumo aktive strebu al la kreado de taŭgaj kondiĉoj por kontakto, alproksimiĝo kaj kunlaborado inter junuloj kaj aliaĝuloj, ke la anoj de la malsimilaj aĝogrupoj en Esperantujo iĝu pli konsciaj pri la potencialo kiun por intergeneracie kontentigaj rilatoj liveras la esperantisma ideo mem de reciproka respekto kaj ambaŭdirekta bona volo,

alvokas al UEA, TEJO kaj iliaj respektivaj landaj organizoj pliproksimigi tempe kaj geografie siajn kongresojn, same internaciajn kiel landajn kaj regionajn, per kunordigita decidado, al konkretaj paŝoj ĉiunivele por kunagigi esperantistojn rete kaj eksterrete agantajn, same por enmovadigi perretajn lernintojn de la lingvo, kiel por helpi la tradician movadon adaptiĝi al la nuna epoko.

Kopenhago, 30 julio 2011

Eksteraj ligiloj

• la retpaĝaro de la 96-a UK rekte ne plu atingeblas, jen ankoraŭ ĝi estas arkive (esperante)
• ankoraŭ brile videblas numero 4 2011 de la bulteno "Esperanto en Danio", tuj post la evento, kun raporto kaj multaj fotoj pri la UK (same esperante, en formato PDF)