Belartaj Konkursoj de UEA
La Belartaj Konkursoj de UEA havas la celon evoluigi la artojn en kaj pere de la internacia lingvo.
Ili okazas ekde 1950 sub aŭspicio de UEA, la rezultoj estas proklamataj en la Universalaj Kongresoj de Esperanto.
Inter la du mondmilitoj ekzistis simila konkurso nomata Internaciaj Floraj Ludoj.
La Belartaj Konkursoj enhavas jenajn branĉojn[1] kaj subbranĉojn:
- a) Poezio originala (maksimuma longo de poemo 500 vortoj);
- b) Prozo originala (maksimuma longo de verko 200 x 65 maŝinskribitaj spacoj);
- b-1) Mikronovelo (maksimuma longo 100 vortoj)
- c) Eseo originala pri temo lingva, literatura, historia au sociologia, prefere en ligo kun la internacia lingvo aŭ la Kongresa Temo (proksimuma longo 10 tajpitaj paĝoj; ĉirkaŭ 400 x 65 maŝinskribitaj spacoj);
- ĉ) Teatraĵo originala;
- ĉ-1) Monologo aŭ Skeĉo (daŭro inter 10 kaj 15 minutoj)
- d) Infanlibro de la Jaro
ĴurioRedakti
Pri la verkoj de la unuopaj konkursaj branĉoj juĝas po tri ĵurianoj, kiuj nuntempe estas[2]:
| branĉo | unua ĵuriano | dua ĵuriano | tria ĵuriano |
|---|---|---|---|
| poezio | István Ertl | Krys Williams | Ĵak Lepŭil' |
| prozo | Giulio Cappa | Trevor Steele | Tim Westover |
| eseo | Gotoo Hitosi | Giridhar Rao | Antonio Valén |
| teatro | Saša Pilipović | Giuliano Turone | Serĝo Sir' |
| infanlibro | Edmund Grimley Evans | Ricardo Felipe Albert Reyna | Jang Jeong-Ryeol |
Antaŭaj ĵurianoj estas
- pri poezio: Anja Karkiainen (Finnlando), Carmel Mallia (Malto) kaj Mao Zifu (Ĉinio);
- pri prozo: Gerrit Berveling (Nederlando), Donald Broadribb (Aŭstralio) kaj Konisi Gaku (Japanio)
- pri eseo: Giridhar Rao (Barato), Antonio Valén (Hispanio) kaj Gotoo Hitosi (Japanio).
- pri teatraĵoj: Wera Blanke (Germanio), Paul Gubbins (Britio).
- pri la infanlibro de la jaro: Kitagawa Hisasi (Japanio), Jouko Lindstedt (Finnlando) kaj James Rezende Piton (Brazilo).
Apartaj premiojRedakti
La premio "Nova Talento" ĉiujare estas aljuĝata al tiu konkursanto, kiu plej meritas kuraĝigon, sed neniam gajnis premion. La nomon de "Nova Talento" oni gravuras sur la pokalon "Henriko Harabaĝiu". La unua premio en la branĉo eseo originala havas la nomon "Premio Luigi Minnaja".
PublikigaĵojRedakti
- Pri Homoj kaj Verkoj. Eseoj pri la Esperanto-kulturo
- Interlingvo inter Lingvoj. Prilingvaj Eseoj
- Tamen Ĝi Moviĝas! Eseoj pri la Esperanto-movado
Vidu ankaŭRedakti
ReferencojRedakti
- ↑ el la regularo de la Belartaj Konkursoj de UEA, artikolo 1, stato de januaro 2019 esperante
- ↑ Belartaj Konkursoj estu pordo por novuloj, artikolo el Libera Folio kiu aperis la 28-an de januaro 2017 esperante
Eksteraj ligilojRedakti
- Listo de gajnintoj en la retejo Originala Literaturo Esperanta de Sten Johansson
- Regularo de la Belartaj Konkursoj en la retejo de UEA
- Belartaj Konkursoj de UEA en 2019, artikolo aperinta en Revuo Esperanto en novembro 2018