Matthias Claudius
Matthias CLAUDIUS [matias klaŭdjus] (naskiĝis la 15-an de aŭgusto 1740, mortis la 21-an de januaro 1815) estis germana verkisto.
| Matthias Claudius | |||||
|---|---|---|---|---|---|
 Matthias Claudius
| |||||
| Persona informo | |||||
| Matthias Claudius | |||||
| Naskiĝo | 15-an de aŭgusto 1740 en Reinfeld, Holstinio | ||||
| Morto | 21-an de januaro 1815 en Hamburgo | ||||
| Mortis pro | naturaj kialoj vd | ||||
| Tombo | Historischer Friedhof Wandsbek vd | ||||
| Religio | luteranismo vd | ||||
| Lingvoj | germana vd | ||||
| Ŝtataneco | germano | ||||
| Alma mater | Friedrich-Schiller-Universitato Jena vd | ||||
| Familio | |||||
| Gefratoj | Christian Detlev Claudius vd | ||||
| Infanoj | Friedrich Matthias Jacobus Claudius • Caroline Perthes vd | ||||
| Parencoj | Louise Perthes vd | ||||
| Profesio | |||||
| Alia nomo | Asmus | ||||
| Okupo | verkisto | ||||
| |||||
| vd | Fonto: Vikidatumoj | ||||
Kiel filo de pastro li naskiĝis en Reinfeld (Holstinio). En Jena li ekde 1759 studis teologion, juron kaj politikajn sciencojn, sed sen diplomo li en la jaro 1763 revenis al sia hejmurbo. Samjare li publikigis sian unuan verkon: Tändeleyen und Erzählungen.
Dum la sekvaj jaroj li vivtenis sin ekz. kiel ĵurnalisto, tradukisto kaj sekretario. Ekde 1771 li kunredaktis kaj eldonis la ĵurnalon Der Wandsbecker Bothe, al kiu kontribuis famuloj kiel ekz. Friedrich Gottlieb Klopstock kaj Gotthold Ephraim Lessing. Pro manko de mono la ĵurnalo ĉesis aperi en 1775.
Post tio, uzante la pseŭdonimon Asmus, Matthias Claudius ekde 1775 publikigis sian kolekton de poezio kaj prozo Asmus omnia sua secum portans oder Sämmtliche Werke des Wandsbecker Bothen. La vespera kanto (germane Das Abendlied), ankaŭ konata kiel "La luno nun ekhelas" (germane Der Mond ist aufgegangen) estas lulkanto de Matthias Claudius kaj unu de la plej konataj verkoj de germana literaturo; ĝi estis publikigita en 1779.
Ekde 1777 li okupis la postenon de bank-revizoro, kiu ebligis al li kaj lia familio vivon sen financaj zorgoj. Li mortis en 1815 en Hamburgo.
Listo de verkoj redakti
- Tändeleyen und Erzählungen (1763)
- Asmus omnia sua secum portans oder Sämmtliche Werke des Wandsbecker Bothen (1775-1781)
- Der Tod und das Mädchen
En Esperanto aperis redakti
Homo ; Milita kanto ; La morto ; Vespera kanto / trad. Guido Holz. - En : Übertragungen = Transkondukoj. - Messkirch : Gmeiner, 1988. - p. 21-25