UK 1959

La 44-a Universala Kongreso de Esperanto en 1959 estis jubilea kongreso jarcenton post la naskiĝo de la kreinto de Esperanto, Ludwik Lejzer Zamenhof. Ĝi okazis en Varsovio, Pollando. Estis 3256 aliĝintoj.

UK 1959
Loko	Varsovio,  Pollando
Ekde	1-a de aŭgusto 1959
Ĝis	8-a de aŭgusto 1959
← Antaŭa	Sekva →

Solena malfermo

Giorgio Canuto en Bjalistoko

Prezidanto de LKK estis Andrzej Rajski, prezidanto de Pola Esperanto-Asocio. Honora prezidanto de la kongreso estis ministro-prezidanto de Pola Popola Respubliko, Józef Cyrankiewicz

Kongresa prezidantaro

• Giorgio Canuto, Prezidanto de UEA
• Ivo Lapenna, Ĝenerala Sekretario de UEA
• Harry W. Holmes, vicprezidanto de UEA
• N. Kawasaki, prezidanto de la Unua Sekcio
• Isaj Dratwer, prezidanto de la Dua Sekcio
• Tadeusz Kotarbiński, rektoro de Internacia Somera Universitato
• Andrzej Rajski, prezidanto de PEA, prezidanto de la Loka Kongresa Komitato

Prelegaro de Internacia Somera Universitato

• Giorgio Canuto, Praktikaj aplikadoj de l' seksa diagnozo en ĉeloj
• Marjorie Boulton, Joseph Conrad - polo kiu estis granda angla verkisto
• Andreo Grębecki, Centjareco de evoluismo
• Paul Neergard, La lukto kontraŭ malsato - ĝia internacia organizado
• Boĵ Popović, Eblecoj kaj malfacilaĵoj por interplaneda vojaĝo
• Andrzej Rzymkowski, Mezepoka kaj renesanca pola arkitekturo
• Hugo Sirk, La centjara jubileo de la spektranalizo en 1959
• Halina Szabłowska, Jarmileco de la pola ŝtato
• Josip Vraĉić, Estetika analizo de urbanism-arkitekturaj karakterizoj de la urbo Dubrovnik

Teatraĵoj prezentitaj

• Bulgara Esperanto-Teatro
  • Ĉasantoj de Ofico de Ivan Vazov. Reĝisoris Stefka Proĥaskova. Fondinto kaj gvidanto: Kiril Draĵev. Estis la unua elpaŝo de Bulgara Esperanto-Teatro.
• Internacia Arta Teatro
  • La friponaĵoj de Skapeno de Molière, esperantigita de Srdjan Flego kaj Jana Ravŝelj-Flego
• La Verda Ĉaro de Julio Baghy, artisma kolektivo de Esperanto-klubo de Prago
  • Pigmaliono de George Bernard Shaw. Reĝisoris Antonin Slanina. Gvidis Eva Seemannova. Rolis i.a. Anton Seemann.
• Verda Simio, studenta kabaredo el Varsovio
  • Tra Verda Vitro, kabaredo. Gvidanto Roman Dobrzyński. Rolis J. Cieślik, E. Lagun, J. Nachorecka, J. Dobrzyński, L. Żmigrodzka, H. Tarkowski, H. Kowalska.

Jan Fethke verkis la filmon Verda stelo super Varsovio dum kaj pri la kongreso.

Bildaro

• 
  Kovrilo de la Dua Oficiala Bulteno

Fonto

• Kongresa Libro, Varsovio 1959, p. 335

Eksteraj ligiloj

• Verda stelo super Varsovio - filmo de Jan Fethke pri la kongreso