Distrikto Odenwald
| blazono | mapo |
|---|---|
|
|
| Bazaj datumoj | |
| Federacia Lando: | Hesio |
| Regiono: | Distriktaro Darmstadt |
| Administra urbo: | Erbach |
| Areo: | 623,97 km² |
| Loĝantoj: | 97 577 (fine de decembro 2022) |
| Loĝdenso: | 161 |
| Aŭtokodo: | ERB |
| Municipokodo: | 06437 |
| Komunumoj: | 12 |
| Adreso de la distrikta administrejo: |
Michelstädter Str. 12 64711 Erbach |
| rete: | www.odenwaldkreis.de |
| Mapo | |
| |
La distrikto Odenwald (germane Odenwaldkreis) situas en la federacia lando Hesio de Germanio. La distrikto havas areon de 623 km², kaj fine de decembro 2022 ĝi havis 97 577 loĝantojn. La distrikto apartenas al la ekonomia regiono Rejno-Majno.
Najbaras norde la distrikto Darmstadt-Dieburg, oriente la bavara distrikto Miltenberg sudoriente la baden-virtemberga distrikto Neckar-Odenwald, sude la same baden-virtemberga distrikto Rhein-Neckar kaj sudokcidente kaj okcidente la distrikto Bergstraße. Nur iom pli ol 100 000 loĝantoj vivas sur ĝia tereno: laŭ tiu kriterio ĝi estas la plej eta distrikto de Hesio.
Geografio
redaktiLa distrikto nur konsistigas la mezan parton de la mezmontaro Odenvalda, kiu ankaŭ etendiĝas orienten en la hesan distrikton Bergstraße, kaj orienten en Bavarion kaj Baden-Virtembergon.
Trafiko
redaktiLa distrikto Odenwald estas la sola parto de Hesio sen rekta aliro al aŭtoŝoseo. Tial aparte gravas la federaciaj stratoj, precipe la stratoj B 38 al Darmstadt nordokcidente kaj Weinheim sudokcidente, la B 45 al Hanau, Darmstadt kaj Aschaffenburg norde kaj Eberbach sude, la B 47 al Worms okcidente kaj Amorbach oriente, kaj la B 426 al Darmstadt-Eberstadt okcidente kaj Obernburg oriente.
Fervoja linio, kiu norde-sude pasas la komunumojn Höchst, Bad König, Michelstadt kaj Erbach, ligas la distrikton sude al Eberbach, nordokcidente al Darmstadt (kaj Frankfurto-ĉe-Majno), norde al Groß-Umstadt, Babenhausen kaj Hanau.
Historio
redaktiĜis 1806 la distrikto Odenwald, en similaj limoj kiel nun, estis suverena dukejo, regata de la grafoj de Erbach. Ekde 1874 la distrikto nomiĝis "Kreis Erbach", ekde 1972 "Odenwaldkreis".
Urbaj kaj neurbaj komunumoj
redakti(inter krampoj loĝantoj laŭ stato fine de decembro 2022)
|
Urboj
|
Neurbaj komunumoj
|
Rilatoj al Esperanto
redaktiLa distrikto havas aktivan Esperanto-klubon, kiu disponas pri kunvenejo en Michelstadt. La esperantisto Andreas Emmerich, kiu de 2001 ĝis 2007 estis la prezidanto de Germana Esperanto-Asocio, kun sia familio loĝas en Brombachtal. Interalie iniciate de li, en 2005 la Germana Esperanto-Kongreso okazis en la kuracurbo Bad König. Cetere inter la jaroj 2002 kaj 2007 ankaŭ la eksa movada motoro Thomas Pusch kun sia familio loĝis en la distrikto, en Höchst, kaj kiel kuracisto gvidis tagan klinikon por infanoj tie.
Eksteraj ligiloj
redakti- oficiala reta paĝo de la distrikto, germanlingva
- turismaj informoj germanlingvaj Arkivigite je 2014-11-13 per la retarkivo Wayback Machine
- pliaj informoj germanlingvaj
- iom da bildoj Arkivigite je 2009-02-26 per la retarkivo Wayback Machine
- retejo de la Esperanto-Klubo Odenwald Arkivigite je 2014-01-23 per la retarkivo Wayback Machine
