Reading Lolita in Tehran
Legante Lolita en Teherano (angle: Reading Lolita in Tehran) estas libro verkita de irana aŭtoro profesoro Azar Nafisi.
| Reading Lolita in Tehran | |
|---|---|
| |
| skribita verko | |
| Aŭtoroj | |
| Aŭtoro | Azar Nafisi |
| Lingvoj | |
| Lingvo | angla lingvo |
| Eldonado | |
| Eldondato | 2003 |
| Loko de rakonto | Mezoriento |
La libro estis publikigita en 2003, estis en la furorlisto de The New York Times dum 100 semajnoj kaj estis tradukita en 32 lingvojn.
La libro priskribas legogrupon gastigitan de Nafisi ĉe ŝia hejmo en Teherano post forlasi sian postenon kiel universitata lektoro kiam ŝi ne plu povis instrui sub la maleblaj kondiĉoj de la Islama Revolucio. La legogrupo inkludis sep el la plej bonaj studentoj de Nafisi, kiuj kunvenis ĉe ŝia hejmo ĉiun semajnon dum du jaroj, inter 1995 kaj 1997, por diskuti malpermesitajn literaturajn verkojn de okcidentaj verkistoj: Henry James, Vladimir Nabokov, Jane Austen kaj aliaj. Samtempe multaj ankaŭ parolis pri la situacio en Irano en la periodo post la Islama Revolucio, kiel la revolucio frakasis iliajn revojn sub reĝimo de subpremo, timigado kaj perforto en kiu iliaj vivoj fariĝis daŭra koŝmaro. Du linioj ligas la literaturajn verkojn kiujn Nafisi kaj ŝiaj studentoj diskutis kaj la situacion en Irano: la simileco inter la revolucio kaj vivo en Irano al kelkaj el la verkoj kaj la inspiro kiun kelkaj el la verkoj disponigis al Nafisi kaj ŝiaj studentoj por provi konservi ilian sendependecon kaj ribeli, eĉ iomete kaj kaŝe, kontraŭ la persekuto kaj subpremo de la aŭtoritatoj.
Nafisi ankaŭ rakontas pri sia propra vivo kiu iĝis malpli kaj malpli tolerebla post la revolucio, ĝis la tago kiam ŝi forlasis Iranon kaj elmigris al Usono.
Cititaj libroj
redaktiEn la finpaĝoj estas listo de libroj, kiuj estas diskutitaj tra la libro. Ili estas, en alfabeta sinsekvo laŭ la familia nomo de verkinto:
- Baghdad Diaries fare de Nuha al-Radi
- The Blind Assassin fare de Margaret Atwood
- Emma, Mansfield Park kaj Pride and Prejudice fare de Jane Austen
- The Dean's December kaj More Die of Heartbreak fare de Saul Bellow
- Wuthering Heights fare de Emily Brontë
- Alice's Adventures in Wonderland fare de Lewis Carroll
- Under Western Eyes fare de Joseph Conrad
- Four Quartets fare de T. S. Eliot
- Shamela kaj Tom Jones fare de Henry Fielding
- The Great Gatsby fare de F. Scott Fitzgerald
- Madame Bovary fare de Gustave Flaubert
- Taglibro de Anne Frank fare de Anne Frank
- The Ambassadors, Daisy Miller and Washington Square fare de Henry James
- En la punkolonio kaj La Proceso fare de Franz Kafka
- The Confidence-Man fare de Herman Melville
- Lolita, Invito al Ekzekuto kaj Pnin fare de Vladimir Nabokov
- The Country of the Pointed Firs fare de Sarah Orne Jewett
- My Uncle Napoleon fare de Iraj Pezeshkzad
- The Language Police fare de Diane Ravitch
- The Net of Dreams fare de Julie Salamon
- Persepolis fare de Marjane Satrapi
- Mil kaj unu noktoj fare de Ŝeherezade
- Die Ausgewanderten (La elmigrantoj) fare de W.G. Sebald
- The Stone Diaries fare de Carol Shields
- The Engineer of Human Souls fare de Josef Skvoreckij
- Loitering with Intent kaj The Prime of Miss Jean Brodie fare de Muriel Spark
- La coscienza di Zeno (la konfesioj de Zeno) fare de Italo Svevo
- Nekonata adresato fare de Katherine Kressmann Taylor
- A Summons to Memphis fare de Peter Taylor
- The Adventures of Huckleberry Finn fare de Mark Twain
- Back When We Were Grownups kaj St. Maybe fare de Anne Tyler
- La tía Julia y el escribidor fare de Mario Vargas Llosa