Katolika Universitato de Lublin "Johano Paŭlo la 2-a"

Katolika Universitato de Lublin "Johano Paŭlo la 2-a" (pole Katolicki Uniwersytet Lubelski Jana Pawła II (KUL), latine Catholica Universitas Lublinensis Ioannis Pauli II) estas nepublika katolika universitato en Lublin, posedanta rajtojn de publika altlernejo kaj financata de ŝtata buĝeto laŭ principoj de publikaj universitatoj. Fondita en 1918, ĝis 1928 sub la nomo Lublina Universitato, de la 16-a de oktobro 2005, surbaze de voĉdono de Senato agnoskita de Pola Episkoparo, la universitato ŝanĝis nomon al Katolika Universitato de Lublin "Johano Paŭlo la 2-a". En 1938 KUL akiris rajton atribui sciencajn rangojn.

Katolika Universitato de Lublin "Johano Paŭlo la 2-a"
universitato • katolika universitato
Informoj
fondodato	8-a de decembro 1918
Situo
Geografia situo	51° 14′ 52″ N, 22° 32′ 41″ O (mapo)51.24777777777822.544722222222
lando	Pollando
Estraro
rektoro	Mirosław Kalinowski
Nombroj
nombro de studentoj	20 317
retejo	[<span%20class="official%20website">[1] Oficiala retejo]
Listoj
membro de
• Publikiga Etika Komitato • Coalition for Advancing Research Assessment vd
Partoj Partoj Faculty of Law, Canon Law and Administration of the John Paul II Catholic University of Lublin • John Paul II Catholic University of Lublin.‏ ‎Faculty of Humanities • John Paul II Catholic University of Lublin, Scientific Society KUL • Katolicki Uniwersytet Lubelski Jana Pawła II. Wydział Teologii • Q24947621 • Katolicki Uniwersytet Lubelski Jana Pawla II Wydzial Nauk Spolecznych • Q123503180 vd
Katolika Universitato de Lublin "Johano Paŭlo la 2-a" (Lublina provinco) DEC Katolika Universitato de Lublin "Johano Paŭlo la 2-a"
Katolika Universitato de Lublin "Johano Paŭlo la 2-a" (Pollando) DEC Katolika Universitato de Lublin "Johano Paŭlo la 2-a"

Laŭ TTT-rangolisto de altlernejoj en la mondo okupas 38-an lokon inter 410 klasifikitaj altlernejoj en Pollando. Ĝi posedas la plej bonan teologion en Pollandon, la 4-an filozofion, la 5-an polan filologion, kaj la studdirektoj kiel juro, administracio, pedagogiko, sociologio aŭ psikologio troviĝas pli malpli ĉe la 10-a loko laŭ "Perspektywy" (Perspektivoj).

Ĝia biblioteko, kies plurjara direktoro estis Andrzej Paluchowski, disponigas interrete plurajn deŝuteblajn librojn kaj revuojn en Esperanto.

Historio

Katolika Universitato de Lublin estiĝis iniciate de pastro Idzi Radziszewski, kiu kolektis fondusojn por ekesto de katolika altlernejo en Pollando inter la pola diasporo en Peterburgo, anstataŭ likvidata de bolŝevikaj regopovoj Animzorga Akademio en Peterburgo.

Lekciistoj

• Władysław Bartoszewski, ĵurnalisto, politikisto
• Jan Niecisław Baudouin de Courtenay, lingvisto, esperantisto
• Czesław Biedulski, pastro, lektoro de Esperanto, elektronikisto, eldonisto, kunfondinto de Esperanto-librejo
• Franciszek Blachnicki, pastro, fondinto de katolika ordeno, persekutata
• Wojciech Chudy, filozofo-personisto, etikisto
• Leon Cyboran, spertulo pri la hinda filozofio, jogo, tradukisto el sanskrito, persekutata
• Johano Paŭlo la 2-a, papo
• Jerzy Kłoczowski, historiisto pri Mez-Orienta Eŭropo
• Andrzej Kołaczkowski, filologo, tradukisto el skandinavia lingvaro, lektoro de Esperanto
• Jerzy Korytkowski, monaĥo, poligloto, lektoro de Esperanto
• Mieczysław Albert Krąpiec, plurjara rektoro
• Etsuo Miyoshi, japana esperantisto, prezidanto de firmao Swany
• Andrzej Paluchowski, plurjara direktoro de la Biblioteko de KUL kun ties Esperanto-Librejo
• Bolesław Pylak, teologo, dioceza ĉefepiskopo, honora membro de la gildo de polaj radiestezistoj
• Ryszard Rubinkiewicz, pastro, orientalisto, spertulo pri apokrifoj
• Włodzimierz Sedlak, fondinto de pola skolo de bioelektroniko
• Tadeusz Styczeń, etikisto
• Stefan Swieżawski, filozofo, spertulo pri mezepoko
• Romuald Szeremietiew, spertulo pri militistiko, persekutata
• Mirosław Wróbel, pastro, tradukisto de Aramea Biblio, direktoro de Instituto pri Bibliaj Sciencoj
• Franciszek Tokarz, pastro, filozofo pri la hinda filozofio kaj ĉina filozofio, esperantisto
• Antoni Tronina, teologo, tradukisto de Aramea Biblio
• Maciej Stanisław Zięba, poligloto, esperantisto, filozofo pri la hinda filozofio kaj ĉina filozofio
• Edward Zwolski, historiisto pri antikva epoko, poligloto

Diplomitoj

• Tadeusz Doktór, sociologo de religio
• Mieczysław Gogacz, filozofo-tomisto
• Michał Heller, pastro, kosmologo
• Józef Tadeusz Milik, pastro, orientalisto, spertulo pri manuskriptoj de la Morta Maro
• Janusz Palikot, filozofo, politikisto
• Jerzy Popiełuszko, pastro, kapelano de Solidareco, persekutata
• Edward Stachura, poeto
• Zbigniew Lew-Starowicz, psikiatro, seksologo
• Piotr Szczepanik, kantisto
• Alfred Wierzbicki, pastro, etikisto
• Stefan Wyszyński, primaso, persekutata

Someraj Lernejoj de la Pola Lingvo kaj Kulturo

En 2019 dum plenaj du monatoj (julio-aŭgusto) okazas la 46-a Somera Lernejo de Pola Lingvo kaj Pola Literaturo. Pli ol 170 partoprenantoj el 40 landoj konatiĝos kun Pollando, ties historio kaj geografio. Ili vizitos Lublin, Sandomierz, Varsovion, Kozłówka kaj Zamość.

Interesaĵo: en la pasinta 20-a jarcento la kurson senpage partoprenis ukraina esperantistino el pola kaj aramea diasporoj el Vinico (danke al apogo de esperantistoj Krzysztof Śliwiński kaj Maciej Stanisław Zięba)

Interesaĵoj

La 23-an de oktobro 1944 komunistaj regopovoj en Popola Pollando fondis Universitaton Maria Curie-Skłodowska en Lublin por kontraŭstari al Katolika Universitato de Lublin.

Vidu ankaŭ

• Universitato Maria Curie-Skłodowska en Lublin
• Medicina Universitato en Lublin
• Katolika universitato de Loveno

Bibliografio

• Encyklopedia 100-lecia KUL, unua volumo, p. 648, Wydawnictwo KUL, Lublin 2018 ISBN 978-83-8061-610-3, 978-83-8061-611-0 (unua volumo)
• Encyklopedia 100-lecia KUL, dua volumo, p. 678, Wydawnictwo KUL, Lublin 2018 ISBN 978-83-8061-610-3, 978-83-8061-612-7 (dua volumo)

Eksteraj ligiloj

• Strona internetowa Katolickiego Uniwersytetu Lubelskiego Jana Pawła II interreta paĝo de KUL

• Esperanto-kolekto en ĝia biblioteko