Yandex Transporto

Yandex Transporto; ruse Яндекс.Транспорт
Aŭtoro	Yandex
Operaciumo	iOS, Android
Lingvo(j)	plurlingva
Evoluigstato	en evoluo
Programtipo	poŝtelefona aplikaĵo
Permesilo	mallibera programaro
Retejo	mobile.yandex.ru/transport/
	v • d • r

Yandex Transporto (ruse Яндекс.Транспорт) estas la spurilo de publika transporto posedata de la rusia firmao Yandex. Ĝi ebligas al la uzantoj spuri movadon de publikaj veturiloj laŭ mapo, konstrui itinerojn kaj prognozi alvenon de necesa veturilo al haltejo^[1]. La servo funkcias ekde 2014^[2].

Historio redakti

Moviĝantaj markiloj de publikaj veturiloj aperis sur Yandex Mapoj en 2012^[3]. Sed enketo aranĝita post unu jaro montris, ke tiun funkcion uzis nur 0,01% de uzantoj. Do la kompanio decidis krei tiucele apartan servon^[4].

En 2014 aperis la aplikaĵo Yandex Transporto^[5]. Komence ĝi funkciis nur en Kazano, Omsko, Niĵnij Novgorod, Permjo, Moskva provinco kaj Novosibirsko, ĉar la firmao disponis datumojn nur pri tiuj ĉi urboj^[6]^[5]. En julio 2014 aldoniĝis Sankt-Peterburgo, en 2015 — Moskvo^[7]^[5]. En 2019 la servo funkciis en pli ol 80 urboj kaj regionoj de Rusio kaj en kelkaj urboj de Kanado, Usono, Finnlando^[8], Kazaĥio, Uzbekio, Estonio, Litovio kaj Belorusio.

Funkciado redakti

La aplikaĵo estas libere kaj senpage elŝutebla. Ĝi montras sur mapo efektivan situon de la veturiloj de publika transporto (busojn, trolebusojn, itinerajn taksiojn, tramojn) kaj iliajn itinerojn. Oni povas elekti tipon de transporto, forigante de sur mapo ĉiujn aliajn veturilojn. Videblas prognozo de alventempo. Oni povas trovi ankaŭ itineron kun informoj pri ĉiuj koncernaj haltejoj. Oni povas elekti haltejon kaj vidi ĉiujn koncernajn itinerojn kaj veturilojn kun prognozita alventempo. Krome videblas metrostacioj kaj informoj pri apudaj haltejoj.

Eblas konstrui propran itineron kaj la sistemo mem sugestos lokojn de ŝanĝo al alia transporto; eblas ankaŭ ekskludi certajn tipojn de transporto. Oni povas kundividi itineron per Yandex Mapoj, same kiel ligilojn al haltejoj kun geografiaj koordinatoj. Oni povas sendi informojn al Yandex Mapoj pri eraroj. Eblas aldoni haltejon aŭ itineron al Elektitaj por rapida reveno al ili. Sur mapo haveblas informoj pri adresoj kaj organizaĵoj^[9]. La sistemo ricevas informojn pri situo de la veturiloj pere de signaloj, kiujn ili sendas post ĉiuj 30 sekundoj^[10]^[11].