Orient-kongaj marĉarbaroj
La orient-kongaj marĉarbaroj estas tersupraĵa ekoregiono el la afrik-arbara ekoprovinco de la afrotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj humidaj foliarbaroj de Demokratia Respubliko Kongo. Ĝi konstituas kune kun la centra-kongaj malaltaĵaj arbaroj, la tutmondaj 200-regionon nomatan "centra-kongaj humidaj arbaroj".
| Orient-kongaj marĉarbaroj | |
|---|---|
| ekoregiono | |
 | |
| ekoregiono laŭ Monda Natur-Fonduso [+] | |
| Koordinatoj | 0° 42′ 0″ S, 18° 12′ 0″ O (mapo)-0.718.2Koordinatoj: 0° 42′ 0″ S, 18° 12′ 0″ O (mapo) [+] |
| Areo | 92 700 km² (9 270 000 ha) [+] |
 |
|
| Orient-kongaj marĉarbaroj | |
La orient-kongaj marĉarbaroj estas sufiĉe sendifekta sed nemulte pristudita ekoregiono. Temas pri la orienta duono de unu el la plej grandaj marĉaj areoj en la mondo.
Priskribo redakti
La ekoregiono kovras surfacon da 92 700 kvadrataj kilometroj. Ĝi konstituas malsekan arbaron inter altitudoj de 300 m kaj 400 m kaj situas je la maldekstra bordo de la Kongo-Rivero. Ĝi etendas sin tra duonluno de la Konga Baseno inkluzive de iuj el ĝiaj plej grandaj alfluantoj kaj de la Bojoma-Akvofaloj proksime de Kisanganio.
Flaŭro redakti
La arbaro estas miksaĵo de malsekejoj kaj marĉoj kun pli seka arbaro kaj savano inundataj laŭsezone per Kongo kaj ĝiaj alfluantoj.
La marĉarbaroj estas karakterizataj de specioj kiaj Guibourtia demeusei, Mitragyna spp., Symphonia globulifera, Entandrophragma palustre, Uapaca heudelotii, Sterculia subviolacea, Alstonia congensis, kaj specioj de Manilkara kaj Garcinia. Daŭre inundataj marĉaj regionoj gastigas arbarerojn de kvazaŭ unspeciaj rafiopalmoj, kiuj povas okupi signifajn areojn ene de la ekoregiono. Sekteraj arbaroj troviĝas sur la pli altaĵaj grundoj kaj gastigas grandan diversecon de lianaj specioj, same kiel Gilbertiodendron dewevrei kaj Daniellia pynaertii vegetantaj laŭlonge de la altaĵoj. Maldensaj areoj subtenas gigantajn grundo-orkidacojn (Eulophia porphyroglossa), kaj la riverbordoj estas ofte liniataj de Marantochloa spp..
Faŭno redakti
La regiono zoologie estas nesufiĉe esplorita sed povas esti hejmo al arbarelefantoj (Loxodonta africana cyclotis) (kiuj eble estas reduktitaj per ŝtelĉasado, precipe proksime de la pli grandaj riveroj), kaj al pluraj primatoj, inkluzive de la malofta eta ĉimpanzo (Pan paniscus). Kongo-Rivero estas natura limo por la movado de la faŭno kaj multaj specioj nur troviĝas je tiu maldeksta flanko de la rivero kiu gastigas multajn primatojn : krom la etan ĉimpanzon ankaŭ Colobus angolensis, Cercopithecus wolfi, Cercocebus galeritus chrysogaster, Lophocebus atterimus aterrimus, Miopithecus talapoin kaj Cercopithecus dryas. Preskaŭendemiaj mamuloj inkludas Lophuromys huttereri (ronĝuloj), Chalinolobus alboguttatus (kiropteroj), kaj Praomys mutoni (ronĝuloj).
Tiuj pluvarbaroj estas riĉaj je avifaŭno gastigante Cinnyris congensis, la afrikan riverhirundon (Pseudochelidon eurystomina) kaj la kongan bordhirundon (Riparia congica).
Endemiaj amfibioj kaj reptilioj inkludas la etan ranon Cryptothylax minutus, la ĥameleonon Trioceros chapini, Gastropholis tropidopholis (lacertedoj), la serpenton Polemon robustus, kaj Zygaspis dolichomenta (lacertedoj).
Minacoj kaj konservado redakti
Kongo-Rivero permesas aliri tiujn arbarojn kun posta arbarekspluatado kaj ŝtelĉasado, precipe pri elefantoj. Protektejoj inkludas Nacian Parkon Salonga, kaj Naturrezervejon Lomako-Jokokala.
Vidu ankaŭ redakti
- Ekologia klasifiko de la tersupraĵoj
- Kongaj arbaroj
- Konservada stato de ekoregiono
- Listo de ekoregionoj en Demokratia Respubliko Kongo
Eksteraj ligiloj redakti
- angle Ekoregiono AT0110 : Orient-kongaj marĉarbaroj (WWF)
- angle Orient-kongaj marĉarbaroj (WWF-Wildworld)
- angle Orient-kongaj marĉarbaroj (Wildworld) - Nacia Geografia Societo
- angle Orient-kongaj marĉarbaroj (The Encyclopedia of Earth)
- angle Orient-kongaj marĉarbaroj (Globalspecies) Arkivigite je 2016-03-07 per la retarkivo Wayback Machine
- angle Situo de la ekoregiono : tajpu Eastern Congolian swamp forests
- angle Tutmondaj 200; n-ro 5 Centra-kongaj humidaj arbaroj (WWF) Arkivigite je 2017-02-01 per la retarkivo Wayback Machine
- angle Kongaj marĉarbaroj (WWF)
- angle Nacia Parko Salonga (The Encyclopedia of Earth)