Eŭropa Verda Partio

La Eŭropa Verda Partio (aŭ European Greens (Eŭropaj Verduloj) estas la eŭrop-nivela verda partio. Ĝi estis fondita en partia kongreso kun pli ol 1000 deputitoj kadre de la Kvara Kongreso de la tiama Eŭropa Federacio de Verdaj Partioj inter la 20a kaj 22-a de februaro 2004 en Romo. Tridek-du verdaj partioj de tuta Eŭropo unuiĝis al la nova transeŭropa partio. La fondado de la nova partio finiĝis per subskribo de la taktato kreanta la partion en la Kapitolo de Romo. [1] (referenco ne plu funkcias).

Eŭropa Verda Partio
Europäische Grüne Partei European Green Party Parti Vert européen Partito Verde Europeo Partido Verde europeo
Prezidanto	Monica Frassoni kaj Philippe Lamberts (kunprezidantoj)
Fondis	2004-02-21
Komandejo	rue Wiertz 31 1050 Bruselo, Belgio
Politika Ideologio	verda
Internacia Parenceo	Tutmondaj Verduloj
Eŭropa Parlamenta Grupo	Frakcio de la Verduloj kaj Eŭropa Libera Alianco
Koloroj	Verda kaj Flava
Retejo	www.europeangreens.eu (angla)
Vidu ankaŭ Politikaj partioj

La eŭropaj verduloj estas la unua vere eŭropa politika partio tiusence, ke ĉiu membro de iu membra partio estas per tio membro de la eŭropnivela partio. Ĝis la 21-a de februaro 2004 ekzistis nur federiĝoj de partiaj organizaĵoj, ekzemple la Eŭropa Federacio de Verdaj Partioj kaj similaj federacioj de konservativaj, socialdemokrataj kaj liberalismaj partioj.

La programo de la Eŭropaj Verduloj emfazas tipajn verdajn temojn kiaj naturmedia respondeco, politika libereco, inkluda demokratio, diverseco, socia justeco, gendro-egaleco, nuklea energio, protektado de konsumantoj,feminismo, tutmonda daŭrebla disvolviĝo kaj senperforto. En la areo de Interreto-politiko, la parlamenta frakcio "Frakcio de la Verduloj kaj Eŭropa Libera Alianco" famiĝis per la forta subteno de proponantoj por Malfermita Informa Infrastrukturo, precipe per la verko "Direktivo pri la patentebleco de komputile realigitaj inventoj" en 2003.

La unua celo de la nove fonditaj Eŭropaj Verduloj estis la elektada kampanjo por la Eŭropa Parlamento en Junio, 2004 (vidu Eŭropa baloto 2004), kiu estis la unua elektada kampanjo en Eŭropo, kiu enhavis similajn motivojn kaj sloganojn en ĉiuj landoj de EU.

Kritikuloj opinias, ke la Eŭropaj Verduloj ankoraŭ ne konsistigas unu partion: precipe la diversaj naciaj partoj havas larĝe varian aliron al la Eŭropa Unio, kiu gamas de forte eŭrop-federaciemaj fortoj ĝis eŭropo-skeptikuloj. Pasintece ĝi asociiĝis kun regionismaj kaj naciismaj partioj en Eŭropa Libera Alianco, sed ne inkluzivis partiojn en la Nordia Verda Maldekstrularo.

Manifesto en Esperanto

Ĉiuj kvin jaroj, la membro-partioj de la Eŭropa Verda Partio adoptas manifeston, kiu funkcias kiel bazo por la estonta Verda Agendo dum elektoj de la Eŭropa Parlamento.

La manifesto adoptita en 1999, nomata "Komuna Verda Manifesto por la eŭropaj elektoj de 1999", kiu temas pri la gvidprincipoj de la Eŭropa Verda Partio, ankaŭ estis tradukita en Esperanton. Tial la Eŭropaj Verdaj Partioj prezentas tiun ĉarton en Esperanto kaj 24 aliaj eŭropaj lingvoj. La listo de la tradukoj troviĝas tute sube de ilia retejo (-> sube sub eksteraj ligiloj).

Anoj kaj observantoj

sunfloro - internacia simbolo de la verda movado

Membraj partioj

Membraj partioj

•  Aŭstrio
  • La Verduloj – La Verda Alternativo
•  Belorusio
  • Belorusia Partio "La Verduloj"
•  Belgio
  • Groen! (Verde!) (Flandrio kaj Bruselo)
  • Ecolo (Valonio, Germanlingva Belgio kaj Bruselo)
•  Bosnio kaj Hercegovino
  • Verduloj de Bosnio kaj Hercegovino
•  Britio
  • Verda Partio de Anglio kaj Kimrio (Kimra Verda Partio)
  • Verda Partio en Nord-Irlando
  • Skota Verda Partio
•  Bulgario
  • Verda Partio de Bulgario
•  Ĉeĥio
  • Verda Partio
•  Danio
  • La Verduloj
•  Estonio
  • Estoniaj Verduloj
•  Finnlando
  • Verda Ligo
•  Francio
  • La Verduloj (Francio)
•  Germanio
  • Alianco '90/La Verduloj
•  Grekio
  • Ekologiistaj Verduloj
•  Hispanio
  • EQUO
  • Iniciativo por Katalunio - Verduloj
•  Hungario
  • Zöld Demokraták
•  Irlando
  • Verda Partio
•  Italio
  • Federacio de la Verduloj
•  Kartvelio
  • Kartveliaj Verduloj
•  Kipro
  • Ekologia kaj Media Movado
•  Kroatio
  • Verda Listo de Kroatio
•  Kosovo
  • Verda Partio de Kosovo
•  Latvio
  • Latvia Verda Partio
•  Luksemburgo
  • La Verduloj
•  Malto
  • Alternativo Demokratia
•  Montenegro
  • Unuiĝinta Reforma Agado
•  Nederlando
  • La Verduloj
  • Verdo-Maldekstro
•  Norvegio
  • Ekologia Partio La Verdulo (Norvegio)
•  Pollando
  • Verduloj 2004
•  Portugalio
  • Ekologiista Partio "La Verduloj"
•  Rumanio
  • Partio Verda de Rumanio
•  Rusio
  • Verda Alternativo
•  Slovakio
  • Partio Verda en Slovakio
•  Slovenio
  • Junulara Partio de Slovenio
•  Svedio
  • Ekologia Partio La Verduloj
•   Svislando
  • Verda Partio de Svislando
•  Ukrainio
  • Verduloj de Ukrainio

Observantaj partioj

•  Albanio
  • Te Gjelberit
•  Andoro
  • Verduloj de Andoro
•  Danio
  • Socialista Popola Partio
•  Moldavio
  • Partio Ekologiista Verda de Moldavio
•  Rusio
  • Unuiĝo de Rusiaj Verduloj
•  Serbio
  • Verduloj de Serbio
•  Turkio
  • Verduloj de Turkio
• Federacio de Junaj Eŭropaj Verduloj (angle Federation of Young European Greens, FYEG), kiu estas la junulara asocio de EVP

Eksteraj ligiloj

• retejo de la Eŭropa Verda Partio (Ĉefe en la angla, sed kun la du tekstoj en esperanto, ĉi-sube)
• "Manifesto" de la Eŭropa Verda Partio por la Eŭropaj Balotoj (Esperanta versio, elŝutebla) Arkivigite je 2009-08-19 per la retarkivo Wayback Machine : Gvidprincipoj de la Eŭropa Verda Partio, adoptita dum la 2-a EVP-Kongreso en Ĝenevo inter la 3-a kaj 14-a de oktobro 2006 https://europeangreens.eu/node/5745 Arkivigite je 2007-02-04 per la retarkivo Wayback Machine
• Manifesto de la Eŭropa Verda Partio sur la retejo de AVE (Asocio de Verduloj Esperantistoj) : http://www.verduloj.org/evp_charto.htm
• "Verda estonteco por Eŭropo" : Fonda teksto de la Verda Eŭropa partio - adoptita dum la Kontinenta Kongreso 2006 (Esperanta versio, elŝutebla)
• retejo de la Asocio de Verduloj Esperantistaj, AVE (en Esperanto)
• verdaj membroj de la Eŭropa Parlamento 2009-1914