28-a de aŭgusto

aŭgusto
lu	ma	me	ĵa	ve	sa	di
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
aranĝo de 2024 tagoj

La 28-a de aŭgusto estas la 240-a tago de la jaro (la 241-a en superjaroj) laŭ la Gregoria kalendaro. 125 tagoj restas.

Je la 28-a de aŭgusto okazis, interalie:

Eventoj

• 475: Armeestro Orestes elpostenigis romian imperiestron Julio Nepo
• 489: Teodoriko la Granda, reĝo de ostrogotoj, venkis Odoakron en la batalo apud Isonzo - Odoakro rifuĝis en Verono
• 632: Fatima bint Muhamad, filino de la islama profeto Mahometo mortis, kio kaŭzis skismon inter sunnaismo kaj ŝijaismo
• 876: Disdivido de Orientfranka imperio je tri partoj
• 1189: Tria krucmilito: Guy de Lusignan komencis sieĝon de Akko
• 1349: Dum pogromoj de judoj en Majenco pereis ĝis 6000 personoj - akuzitaj pri disvastigado de pesto
• 1383: Reĝo Venceslao donacis domon al la Universitato de Karolo – la hodiaŭa Karolinum
• 1409: Pollando: Ordeno de germanaj kavaliroj konkeris Bydgoszcz kun kastelo
• 1481: Johano la 2-a iĝis reĝo de Portugalio
• 1514: Pola armeo kune kun Grandprinclando Litovio venkis apud Smolensk armeon de Grandprinclando Moskvo
• 1521: Otomana Imperio konkeris Beogradon - ĝis 1878 kun eta paŭzo
• 1604: Anglio kaj Hispanio subskribis en Londono pactraktaton
• 1609: Henry Hudson kiel unua eŭropano albordiĝis al Delavaro en Nordameriko
• 1610: Post malvenko de rusa armeo en batalo de Kluŝino polaj taĉmentoj de Stanisław Żółkiewski eniris Moskvon, kie en la Moskva Kremlo ili restis ĝis 1612 — Ladislao la 4-a estis proklamita caro de Rusio
• 1619: Ferdinando la 2-a iĝis romia-germana imperiestro
• 1638: Pollando: Swarzędz iĝis urbo
• 1656: Sveda diluvo: venko de pola armeo en batalo de Lubrze (proksime al Środa Wielkopolska)
• 1672: Malsieĝado de Groningen: episkopo Bernhard von Galen rezignis pri la sieĝo de Groningen
• 1789: William Herschel malkovris lunon de Saturno - Encelado
• 1802: Napoleono Bonaparte aneksis de Svislando kantonon Valezo, sur kies teritorio li kreis marionetan respublikon
• 1845: Scienca popularigo: monatrevuo "Scientific American" aperis
• 1850: En Vajmaro okazis premiero de romantikisma opero Lohengrin, verkita de germana komponisto Richard Wagner
• 1859: La plej grandaj ĝis nun sunaj erupcioj komenciĝis - la suna ŝtormo kaŭzis koronan frapon al la magnetosfero de la Tero, kiu generis nordan brilon videblan en la mezaj latitudoj (subtropiko kaj modera klimato)
• 1867: Usono aneksis atolon Midvejinsuloj sur Pacifiko
• 1867: Al Prago alvenis de Vieno ĉeĥaj kronadjuveloj
• 1882: Oni komencis konstrui tramtransporton en Krakovo
• 1901: Edukado: filipina Universitato Silliman en Dumaguete estis fondita kiel unua usona eduka institucio en Azio
• 1910: Montenegro akiris sendependecon de Turkio
• 1913: Reĝino Vilhelmina malfermis en Hago la novrenesancan Palacon de Paco - i.a. sidejo de Internacia Kortumo
• Unua Mondmilito
  • 1914: Venko de brita ŝiparo super la germana en batalo de Helgoland - unu el la unuaj marbataloj; germana garnizono en kolonio Togo kapitulacis
  • 1916: Germanio deklaris militon kontraŭ Rumanio, Italio deklaris militon kontraŭ Germanio
  • 1918: Roman Dmowski alvenis al Usono por renkontiĝ kun pola diasporo kaj prezidanto de Usono
• 1919: Ribelo de Sejny kontraŭ litova administrado finiĝis post 5 tagoj: polaj soldatoj venkis la litovajn i.a. okupante Veisiejai (unua laborurbeto de Zamenhof) - Suvalkio restis lime de Pollando
• 1924: Aŭgusta ribelo de Kartvelio eksplodis
• 1927: Dua Pola Respubliko: en Spała (distrikto Tomaszów) okazis la unua tutpollanda rikoltofesto sub patroneco de la prezidento de Pollando Ignacy Mościcki
• 1932: En Berlino polaj aviadistoj Franciszek Żwirko kaj Stanisław Wigura gajnis Challenge 1932
• 1937: Toyota-Aŭtomobila Akcia Kompanio fondiĝis
• 1939: Hitler elektis novan daton por ataki Pollandon - la unua estis la 26-a de aŭgusto (nuligita pro la pola-brita traktato de la 25-a de aŭgusto); prezidento de Slovakio pastro Jozef Tiso anoncis sub germana premo la plenan mobilizon de slovakaj trupoj; kvina kolono: membroj de germana malplimulto en Bielsko bombatencis en stacidomo de Tarnów - 20 personoj pereis, 35 vundiĝis
• Dua Mondmilito
  • 1940: Berlino: oficiala disdivido de koncentrejoj al tri kategorioj: la plej facilaj - Dachau kaj Sachsenhausen, mezaj - Buchenwald, Aŭŝvico, Flossenbürg, Neuengamme (Hamburgo), Majdanek, Ravensbrück Stutthof (Libera Urbo Dancigo), la plej malfacilaj - Mauthausen-Gusen, Gross-Rosen, la decidon subskribis Heinrich Himmler; Francio (reĝimo de Vichy): registaro de Philippe Pétain rompis diplomatiajn rilatojn kun Pollando, Norvegio, Belgio, Nederlando kaj Luksemburgo; RAF denove nokte atakis Berlinon
  • 1941: Ekziloj en Sovetunio: Volgo-Germana ASSR estis malfondita kaj volgogermanoj ekzilitaj al Siberio kaj soveta Centra Azio; en Estonio germana 18-a Armeo okupis Talinon; nokte brita aviado atakis Frankfurton ĉe Majno
  • 1942: Operaco Reinhardt: germanaj policaj taĉmentoj pafmortigis en Słomniki ĉirkaŭ 300 judojn kaj en aliaj 5 lokoj - 183 (en tio 9 polojn); en Ĝenerala Gubernio aperis la lasta oficiala "Gazeta Żydowska" (Juda Gazeto); Sendependa ŝtato Kroatio: en koncentrejo Jasenovac, establita de ustaŝoj, nokte oni konkuris pri murdado de enprizonigitoj helpe de tranĉilo - la venkinto, Petar Brzica, mortigis 1360 personojn
  • 1943: En Gdynia oni arestis ĉirkaŭ 70 membrojn de la Pola Armeo de Ribelo; Gestapo forveturigis en nekonata direkto ĉiujn judojn de koncentrejoj en la distrikto Leszno kaj 44 de la distrikto Gostyń; pola kuriero Jan Karski persone enmanigis al prezidento de Usono Franklin D. Roosevelt mesaĝon de Pola Subtera Ŝtato; en Danio komenciĝis ĝenerala striko kontraŭ germana okupado; Simeono la 2-a iĝis formale caro de Bulgario
  • 1944: Ribelo de Varsovio: germanaj taĉmentoj, 1 600 soldatoj, konkeris Polan Produktejon de Valorpaperoj post 27-taga defendo, kaj murdis en kela malsanulejo ĉirkaŭ 160 personojn, en tio 30 grave vunditajn soldatojn de Pola Enlanda Armeo; en Malnova Urbo perdoj inter polaj komandantoj kaj soldatoj estas po 70%; en Mezurbo oni montris la trian filman kronikon "Varsovio batalas"; pola ĉefministro en ekzilo Mikołajczyk informis, ke la registaro klopodas pri minimuma helpo: 5 tunoj da municio tage, kiu ne estas liverata; Saint Paul (Minesoto): malfermo de 10-taga ekspozicio pri la pola subtera movado; Lodzo: komandanto de brigado RONA SS-funkciulo Mieczysław Kamiński, respondeca pri la genocida masakro de Ochota estis kondamnita de germana juĝejo al mortpuno - pafmortigita la 4-an de oktobro; germanaj ĝendarmoj bruligis en Bączałka (proksime al Dębica) 60 kamparanajn domojn kaj pafmortigis 42 personojn, polico en Dębowe Pole (proksime al Lipsko) pafmortigis aŭ vivbruligis 22 personojn pro partizana agado; de militprizono en Olechów (apud Lodzo) fuĝis 12 sovetaj civitanoj
  • 1945: Malproksim-Orienta Fronto: sur Saĥaleno sovetaj trupoj de la 16-a Armeo finis dislokigon sur suda parto de la insulo; Okupacio de Japanio komenciĝis; pro tajfuno kun 48 hora prokrasto skoltunuoj atingis la japanan insularon
• 1945: Argentino: "Ĵurnalo Clarín" aperis en Bonaero
• 1946: Komunista krimo: preskaŭ 18-jara Danuta Siedzikówna, sanitariistino kaj kurierino de la 5-a Vilna Brigado de Pola Enlanda Armeo kaj ŝia komandanto Feliks Selmanowicz estis rezulte de justica murdo ekzekutitaj en malliberejo en Gdańsk kaj kaŝe enterigitaj sub tombeja trotuaro
• 1946: Usono vetois eniron de Mongolio kaj Albanio al UN
• 1955: Afrik-usona knabo Emmett Till estis murdita en Misisipio pro rasismaj motivoj - plifortigo de Afrikusona Civilrajta Movado sekve de protestoj kontraŭ la posta absolvo de la krimintoj
• 1956: Ukrainio: en Kievo ekstaris monumento al Ivan Franko
• 1963: Martin Luther King alparolis pri "Mi havas Revon" antaŭvidante estontecon, en kiu nigruloj kaj blankuloj kunvivus harmonie kiel egaluloj - dum marŝado en Vaŝingtonon por laborpostenoj kaj libereco
• 1964: Rasa tumulto eksplodis en Filadelfio - 341 personoj vundiĝis
• 1968: Ĉina Radio Internacia disaŭdigis pollingve
• 1973: En meksikaj provincoj Puebla, Veracruz kaj Oaxaca tertremo mortigis ĉirkaŭ 1200 personojn
• 1980: Strikoj en la Pola Marbordo: al Szczecin alvenis delegitaro de Vroclavo - oni decidis pri kreo de Intervojevodia Strika Komitato Szczecin–Wrocław–Bydgoszcz
• 1985: Ukraina verkisto Vasil Stus estis enprizonigita en gulago kiel politika malliberulo
• 1986: Tina Turner ricevis sian stelon en la Trotuaro de famo en Holivudo
• 1988: Germanio: tri italaj aviadiloj koliziis dum flugo super la usona Aerbazo Ramstein - 70 personoj pereis
• 1990: Golfa Milito: Irako anoncis Kuvajton sia 19-a provinco alinomante ties ĉefurbon Kuvajturbo al Kadima
• 1991: En Libio oni komencis konstrui Grandan Homfaritan Riveron
• 1991: En Gdańsk oni malkovris amasan tombon de 38 defendantoj de la poŝtejo, murditaj en 1939 de germanoj
• 1991: Postkomunismo: en Rusio oni malpermesis agadon de la Komunista Partio de Sovetunio
• 1993: Katastrofoj: 82 personoj pereis en akcidento de aviadilo Jakovlev Jak-40 en Taĝikio; detruo de akvobaraĵo en ĉina provinco Ĉinghajo mortigis 223 personojn
• 1993: Usona kosmosondilo Galileo traflugis apud asteroido Ida malkovrante ties lunon
• 1995: Bosnia Milito: serbaj kugloj trafis bazaron en Sarajevo - 35 personoj mortis, 85 vundiĝis
• 1996: Divorco de Karlo, princo de Kimrujo kaj Diana Spencer
• 1996: Norda Makedonio: dum la ortodoksa kristana festo de la Endormiĝo de la Dipatrino en la preĝejo "Sankta Dipatrino" proksime al Berovo, de la fulmotondro, kiu trafis amason da 10-15 mil homoj, 9 personoj mortis kaj 40 vundiĝis
• 2000: Tanzanio: en Arusha oni subskribis pactraktaton, unu el gravaj paŝoj por fino de la Burunda enlanda milito
• 2004: Katolika Eklezio transdonis Kazanan ikonon de Dipatrino al la Rusa Ortodoksa Eklezio kiel gesto de bona volo de la papo Johano Paŭlo la 2-a
• 2007: Abdullah Gül iĝis prezidento de Turkio
• 2010: Flugkompanio Mexicana de Aviación bankrotis
• 2010: Madagaskara juĝejo kontumace kondamnis demisiitan prezidenton Marc Ravalomanana al ĝismorta puno pro ordono pafi al manifestantoj februare 2009, kiam pereis ne malpli ol 30 personoj
• 2011: Libia enlanda milito: venko de ribelantoj en la dua batalo de Tripolo
• 2014: Ĝisnuna ĉefministro de Turkio Recep Tayyip Erdoğan ĵuris al la posteno de prezidento
• 2016: Pollando: solena sepulto de Danuta Siedzikówna kaj Feliks Selmanowicz
• 2020: Vroclavo: okaze de alproksimiĝanta 40-a detreveno de Solidareco oni malfermis skvaron je la nomo al Kornel Morawiecki, fondinto de Solidareco Batalanta, en ĉeesto de la pola ĉefministro Mateusz Morawiecki
• Invado de Rusio en Ukrainion
  • 2022: 186-a tago de rusa agreso: Ukraina Armeo la pasintan tagon sude mortigis 35 rusiajn soldatojn kaj i.a. detruis du provizejojn kun municistokoj, haŭbizon, 11 vetirilojn, krome grandan armean bazon en Melitopolo; en Zaporiĵa provinco oni trovis pendumitan estintan ukrainan limgardiston kaj rusan kunlaboriston, la alia estis arestita en Ĉernihivo dum fotado; Dmitro Kuleba: Rusio ŝanĝas Zaporiĵon en armean bazon, armiligante nuklean centralon en Enerhodar, kiu brulas pro pripafado — li avertis pi ebla paneo (pro ventoblovo radioaktiva nubo ampleksus sudan Ukrainion kaj okcident-sudan Rusion), en la provinco rusia armeo dum 6 horoj pli ol 200 fojojn pripafis urbeton Orĥiv, kies centro brulas, en Zaporiĵo 40 konstruaĵoj estis damaĝitaj aŭ detruitaj; laŭ ukraina Ministerio pri Infrastrukturo de marto tra Danubo oni forsendis pli ol 4 mln da tunoj de greno — pasinttage 11 ŝipoj kunportis 45 tunojn da cerealo; instruistoj en okupataj partoj de Ukrainio dum baldaŭaj lecionoj pri historio i.a. diros al lernantoj, ke ukraina lingvo ne ekzistas, kaj Ukrainion kreis Lenin
  • Mondreago: "The Washington Post": laŭ Pentagono Usono utiligas maran transporton por stokigi en Ukrainio grandajn ŝarĝojn por postaj operacoj; prezidento de Kazaĥio por unu jaro haltigis eksporton de armiloj kaj ordonis pretigi bunkrojn en Almato; Armenio: en stratoj de Erevano aperis porrusaj afiŝoj kun litero "Z", simbolanta la rusan agreson kontraŭ Ukrainio, kaj sloganoj kiel "Ĥersono estas Rusio", "Norda Kazaĥio estos Rusio"; rusia propagandisto Dmitrij Litovkin, pro "subita malsano", ne vivas; Radio Svoboda dokumentis detruojn post nokta pripafo de Slovjansko
• 2023: Pola ekspozicio de Instituto pri Nacia Memoro "Pakto de krimuloj" estis inaŭgurita en Eŭropa Parlamento

Naskiĝoj

• 933: Rikardo la 1-a, duko de Normandio (m. 996)
• 1443: Rudolf Agricola, nederlanda humanisto, erudiciulo, poeto, helenisto, latinisto, edukisto, muzikisto kaj orgenkonstruanto (m. 1485)
• 1612: Marcus Zuerius van Boxhorn, nederlanda lingvisto, profesoro de la Universitato de Lejdeno rimarkinta similecon de hindeŭropa lingvaro (m. 1653)
• 1639: Maria Mancini, itala nobelulino, amatino de franca reĝo (m. 1715)
• 1663: Dániel Krmann, slovaka-hungara luterana pastro, superintendanto, instruisto (m. 1740)
• 1749: Johann Wolfgang von Goethe, germana verkisto, filozofo, politikisto kaj sciencisto (m. 1832)
• 1754: Sigmund Christoph von Waldburg-Zeil-Trauchburg, germana episkopo (m. 1814)
• 1760: István Ballér, hungaria-slovena luterana pastro, kantoro (m. 1835)
• 1774: Gottfried von Herder, germana kuracisto (m. 1806)
• 1797: Karl Otfried Müller, germana historiisto kaj klasika filologo (m. 1840)
• 1810: Jaime Balmes, hispana filozofo, teologo, apologetikisto, sociologo kaj politika eseisto (m. 1848)
• 1815: Ferdinando Petruccelli della Gattina, itala verkisto, ĵurnalisto, patrioto kaj politikisto (m. 1890)
• 1825: Karl Heinrich Ulrichs, germana juristo, ĵurnalisto, eldonisto (m. 1895)
• 1828: Lev Tolstoj, rusia verkisto, klasikulo de la rusa literaturo, filozofo kaj pedagogo (m. 1910)
• 1843: August Sedláček, ĉeĥa historiisto, genealogo, heraldikisto kaj fondinto de la ĉeĥa kastelologio (m. 1926)
• 1851: Ivan Tavčar, slovena politikisto kaj verkisto (m. 1923)
• 1853: Vladimir Ŝuĥov, rusia, soveta inĝeniero, arkitekto, inventisto pri naftoduktoj (m. 1939)
• 1867: Umberto Giordano, itala oper-komponisto (m. 1948)
• 1868: Georg Kossenhaschen, germana entreprenisto kaj hotelestro (m. 1931)
• 1871: Pietro Badoglio, itala faŝista militisto, politikisto kaj diplomato (m. 1956)
• 1876: Fermo Dante Marchetti, itala komponisto (m. 1940)
• 1877: Aladár Elfer, hungara, rumania hungara kuracisto (m. 1944)
• 1882: Ernst Weiß, aŭstra verkisto germanlingva kaj majstro de psikologia romano, viktimo de naziismo (m. 1940)
• 1884: Peter Wust, germana filozofo de ekzistadismo, movadano de la revivigo katolika (m. 1940)
• 1886: József Károly, rumania hungara verkisto, ĵurnalisto (m. 1960)
• 1887: Sándor Farkas, hungara bibliotekisto, matematikisto, orientalisto kaj vojaĝisto, kies modelo estis Sándor Kőrösi Csoma (m. 1964)
• 1895: Václav Kaplický, ĉeĥa verkisto de historiaj romanoj (m. 1982)
• 1896: Áron Márton, rumana hungara romkatolika episkopo (m. 1980)
• 1896: Lev Termen, sovetia, rusia fizikisto kaj inventisto de teremino (m. 1996)
• 1899: Andrej Platonov, sovetia verkisto (m. 1951)
• 1900: Ödön Hoffmann, rumania hungara verkisto, tradukisto (m. 1953)
• 1903: Bruno Bettelheim, juda-usona psikoanalizisto kaj psikoterapiisto substrekanta signifon de fabeloj en edukado de infanoj (m. 1990)
• 1904: Secondo Campini, itala inĝeniero kaj inventisto de ĵetmotoro (m. 1980)
• 1908: Abelardo Rodrigues, brazila art-kolektanto (m. 1971)
• 1908: Roger Tory Peterson, usona naturalisto, ornitologo, artisto kaj edukisto (m. 1996)
• 1908: Robert Merle, franca verkisto, aŭtoro de scienc-fantazia novelo Malevil (m. 2004)
• 1909: Leopold Socha, pola laboristo, justulo inter la popoloj (m. 1946)
• 1909: István Asztalos, hungara verkisto, ĉefredaktoro de "Falvak Népe" (m. 1960)
• 1912: László Dévald, hungara ĵurnalisto, advokato (m. 1974)
• 1916: Jack Vance, usona sciencfikcia kaj fantasta verkisto (m. 2013)
• 1919: Ervin Mikó, rumania hungara gazetraportisto, redaktoro (m. 1997)
• 1921: Fernando Fernán Gómez, hispana verkisto, aktoro, reĝisoro (m. 2007)
• 1924: Pavlo Zahrebelnij, ukraina romanverkisto, kies Roksolana estis prezentita en Ukraina Antologio (m. 2009)
• 1925: Arkadij Strugackij, rusia verkisto de sciencfikcio (m. 1991)
• 1937: François Béranger, franca kantisto kaj anarkiisto (m. 2003)
• 1938: Antal Beczásy, hungara pentristo kaj grafikisto (m. 2007)
• 1938: Paul Martin, ĉefministro de Kanado, estro de Liberala Partio de Kanado
• 1938: Józef Kowalczyk, primaso de Pollando kaj unua postmilita apostola nuncio
• 1939: Joachim Wittstock, rumana verkisto kaj literaturhistoriisto
• 1942: José Eduardo dos Santos, prezidanto de Angolo 1979-2019 (m. 2022)
• 1943: Surayud Chulanont, ĉefministro de Tajlando
• 1948: Natalja Gundareva, soveta, rusia aktorino (m. 2005)
• 1957: Christoph Konrad, germana politikisto, eŭrodeputito
• 1965: Shania Twain, kanada kantistino kaj kantaŭtorino de pop-rok-muziko kaj kontreo
• 1976: Mantas Kvedaravičius, litova reĝisoro kaj arĥeologo
• 1979: Mónika Tar, rumania hungara aktorino
• 1983: Péter Kolcsár, rumania hungara pianisto
• 1986: Gilad Ŝalit, israela soldato, kidnapita

Mortoj

• 430: Aŭgusteno de Hipono, frua kristana filozofo kaj sanktulo, patro de la eklezio, doktoro de eklezio, kies penso dum 7 jarcentoj influis filozofian pensadon de katolika eklezio (n. 354)
• 876: Ludoviko la Germano, reĝo de Bavario kaj de Orientfranka imperio (n. ĉirkaŭ 806)
• 1341: Leono la 5-a, reĝo de la Armena reĝlando en Kilikio (n. 1309)
• 1478: Jolando de Francio, princino de Francio (n. 1434)
• 1481: Alfonso la 5-a, reĝo de Portugalio konkerinta Nordafrikon (n. 1432)
• 1645: Hugo Grotius, nederlanda mirinfano, filozofo, teologo, diplomato, patro de la internacia juro (n. 1583)
• 1646: János Bánfihunyadi, hungara alkemiisto elmigrinta al Anglio, kie li renkontis astrologon William Lilly, kuraciston Jonathan Goddard kaj scienciston Kenelm Digby (n. 1576)
• 1681: Philipp Kisel, katolika predikisto kaj edifa aŭtoro (n. 1609)
• 1699: Johann Heinrich Rumpel, germana pastoro kaj poeto (n. 1650)
• 1705: Georgo Vilhelmo, germana duko de la Duklando Brunsvigo-Luneburgo (n. 1627)
• 1732: Imre Csáky, hungara kardinalo (n. 1672)
• 1797: Joseph Wright of Derby, angla pentristo kaj pejzaĝisto (n. 1734)
• 1820: Andrew Ellicott, usona termezuristo kaj urbisto (n. 1754)
• 1828: Pius Alexander Wolff, germana aktoro (n. 1782)
• 1859: Leigh Hunt, angla verkisto kaj gazet-redaktoro (n. 1784)
• 1863: Eilhard Mitscherlich, germana kemiisto kaj kristalografo (n. 1794)
• 1879: Jeanne Jugan, franca monaĥino, fondintino de la kongregacio Fratinetoj de la malriĉuloj, sanktulino (n. 1792)
• 1883: Ottó Petzval, hungara matematikisto, inĝeniero pri maŝinoj, profesoro, membro de Hungara Scienca Akademio (n. 1809)
• 1903: Frederick Law Olmsted, usona pejzaĝisto, botanikisto kaj ĵurnalisto (n. 1822)
• 1916: Hugó Maszák, hungara ĵurnalisto, grafikisto (n. 1831)
• 1922: Gastono de Orleano, franca duko (n. 1842)
• 1937: Tapa Ĉermojev, ĉeĉena politikisto, ĉefministro de Nord-Kaŭkaza Montara Respubliko (n. 1882)
• 1943: Boriso la 3-a, bulgara caro el dinastio Saksio-Koburgo kaj Gotao (n. 1894)
• 1946: Feliks Selmanowicz, pola komandanto de la Pola Enlanda Armeo kaj "anatemita soldato" (n. 1904)
• 1946: Danuta Siedzikówna, pola sanitariistino kaj soldato (n. 1928)
• 1954: Bálint Kolosváry, hungara juristo kaj profesoro (n. 1875)
• 1955: Emmett Till, afrik-usona knabo murdita de rasistoj (n. 1941)
• 1959: Bohuslav Martinů, ĉeĥa komponisto de operoj, baletoj, simfonioj kaj kantatoj loĝanta eksterlande (n. 1890)
• 1959: Rafał Lemkin, pola juristo, aŭtoro de la nocio genocido kaj de konvencio pri prevento kaj punado de genocido (n. 1900)
• 1960: Ernő Márton, rumania hungara/israela ĵurnalisto, redaktoro (n. 1886)
• 1962: Edmond Privat, svisa verkisto, ĵurnalisto kaj historiisto, aŭtoro de libroj pri Esperanto-movado, konata de esperantlingvaj elsendoj ĉe Svisa Radio Internacia kaj kiel alparolisto dum Universalaj Kongresoj de Esperanto (n. 1889)
• 1986: József Spielmann, rumanihungara medicinhistoriisto (n. 1917)
• 1987: John Huston, usona filmreĝisoro, scenaristo kaj aktoro (n. 1906)
• 1990: Willy Vandersteen, belga desegnisto de bildliteraturo (n. 1913)
• 1995: Michael Ende, germana verkisto (n. 1929)
• 2001: Erzsébet Erdei, rumania hungara pentristino, anino de Gildo Barabás Miklós (n. 1909)
• 2003: Peter Hacks, germana verkisto kaj poeto de GDR (n. 1928)
• 2005: György Szekeres, hungara-aŭstralia matematikisto kaj kemiisto, honora membro de Hungara Scienca Akademio (n. 1911)
• 2012: István Kiszely, hungara antropologo, altlerneja instruisto, sekreta informisto (n. 1932)
• 2016: Juan Gabriel, meksika muzikisto, kantisto, aktoro kaj kantaŭtoro verkinta pli ol 1800 kantojn (n. 1950)
• 2017: Mireille Darc, franca aktorino kaj manekeno, kun-rolantino kaj kunulino de Alain Delon (n. 1938)
• 2019: Michel Aumont, franca aktoro (n. 1936)

Specialaj tagoj kaj festoj

• Festoj kaj rememoroj en Katolika Eklezio:
  • Sankta Aŭgusteno, episkopo kaj doktoro de la eklezio
  • Junípero Serra, hispana franciskana monaĥo, doktoro pri filozofio kaj teologio, misiisto, sanktulo
• Ortodoksa Kristana Eklezio: Endormiĝa forpaso de Maria - unu el 12 ĉefaj festoj
• Honkongo: Tago de liberigo
• Pollando: Festo de Pola Aviado, ekde 1993

Tagoj de semajno

La 28-a de aŭgusto estas (laŭ gregoria kalendaro):

• Dimanĉo en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095;
• Lundo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Mardo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Merkredo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Ĵaŭdo en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098;
• Vendredo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Sabato en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094.