27-a de februaro

februaro
lu	ma	me	ĵa	ve	sa	di
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28
aranĝo de 2023 tagoj

La 27-a de februaro estas la 58-a tago de la jaro laŭ la gregoria kalendaro. 307 tagoj restas (308 en superjaroj).

Je la 27-a de februaro okazis, interalie:

Eventoj

• 1253: Pollando: Piasta princo Boleslao la 5-a Hontema donis urborajtojn al Bochnia
• 1434: Grandduko de Litovio Žygimantas Kęstutatis renovigis en Grodno litovan-polan aliancon
• 1458: Georgo el Poděbrady iĝis reĝo de Ĉeĥio
• 1510: Malabara Marbordo: portugala esploristo Afonso de Albuquerque okupis Goaon, unu el la plej riĉaj urboj de la mondo
• 1531: Ŝmalkalda Ligo fondiĝis kiel defenda alianco kontraŭ katolika imperiestro Karlo la 5-a
• 1593: Giordano Bruno estis malliberigita en la palaco de Kongregacio por la doktrino de la kredo
• 1594: Henriko la 4-a kroniĝis kiel reĝo de Francio
• 1617: Rusa carlando perdis aliron al la Balta Maro
• 1670: Częstochowa: sur Jasna Góra okazis nupto de pola reĝo Mikaelo Korybut Wiśniowiecki kun ĉefdukino Eleonora el Habsburgoj
• 1700: Sudokcidenta Pacifiko: malkovro de Nova Britio
• 1767: Reĝo de Hispanio Karlo la 3-a ordonis dekrete al jesuitoj forlason de la lando
• 1812: Sur unu el insuloj de la rivero Parano oni hisis la Flagon de Argentino
• 1825: Unua parto de la romano Eŭgeno Onegin de la rusa poeto Aleksandr Puŝkin publikigita
• 1829: Venko de kolumbia armeo super la perua en batalo de Tarqui (en regiono de Cuenca)
• 1839: En Vilno estis ekzekutita Szymon Konarski, pola porsendependa aganto, partopreninto de la Novembra ribelo
• 1844: Karibio: Domingo sendependiĝis kiel orienta parto de Hispaniola
• 1846: En Pogórze (nun kvartalo de Krakovo) aŭstraj soldatoj pripafis patriotan-religian manifestacion - pereis interalie Edward Dembowski, porsendependa aganto, filozofo, literatura kritikisto, unu el gvidantoj de la krakova ribelo de 1846
• 1849: Hungara revolucio: malvenko de hungaroj en batalo de Kápolna
• 1861: Varsovio: patriota manifestacio sange subpremita (5 mortfalintoj) de rusa armeo kaj ekesto de Urba Delegitaro, kiun eniris interalie Józef Ignacy Kraszewski, por certigi publikan ordon — posta funebra manifestacio sur la Tombejo Powązki kontribuis al eksplodo de Januara ribelo
• 1863: Januara ribelo kontraŭ la Rusia Imperio: venko de poloj en batalo de Klonowa (proksime al Sieradz)
• 1863: Turkio: unua ekspozicio de enlandaj pentraĵoj malfermiĝis en Istanbulo kun la subteno de otomana sultano Abd-ul-Aziz
• 1866: Unua aŭtora legado el la ĉapitroj de la romano Milito kaj paco de la rusa verkisto Lev Tolstoj
• 1869: Grekio: inaŭguro de la Metroo de Ateno
• 1870: Flago de Japanio adoptiĝis
• 1879: Kemiistoj de la Universitato Johns Hopkins malkovris sakarinon
• 1885: Germana Orient-Afriko kreiĝis
• 1886: Julius Dinder kiel unua post la mezepoko fremdlandano iĝis dioceza ĉefepiskopo de Gniezno
• 1900: En Londono Brita Laborista Partio estis fondita de sindikatoj kaj socialistaj partioj - Ramsay MacDonald iĝis sekretario
• 1900: Munkeno: germana futbala klubo FC Bayern München fondiĝis
• 1905: Malfermo de la protestanta preĝejo Berliner Dom
• Unua mondmilito:
  • 1916: Józef Piłsudski revenis al Romkatolika Eklezio en Volinio - en ĉeesto i.a. de subkolonelo Kazimierz Sosnkowski kaj kapelano de Polaj Legioj
  • 1918: Pola fakulo pri geodezio Antoni Ponikowski iĝis ĉefministro de Regenta Konsilio
• 1920: Premiero de muta filmo Kabineto de d-ro Caligari, reĝisorita de Robert Wiene - konsiderata unua fama germana ekspresionisma filmo kaj mejloŝtono en la filmhistorio
• 1930: Buvet-Insulo estis aneksita de Norvegio
• 1932: James Chadwick anoncis malkovron de neŭtrono
• 1933: Incendio de Reichstag en Berlino
• 1934: En Berlino Gestapo likvidis polan spionagentejon
• 1937: Granda Teroro en Sovetunio: kun aresto de Nikolaj Buĥarin sekvis nova ondo de ekzekutado
• 1938: Dua Pola Respubliko: pastro Stanisław Streich estis pafmortigita de komunista atencinto dum meso en paroĥa preĝejo en Luboń
• 1939: Britio kaj Francio agnoskis hispanan registaron de generalo Francisco Franco
• 1940: Malkovro de la izotopo de karbono - Karbono-14, uzata en radiokarbona datado
• Dua mondmilito:
  • 1940: Germana okupado de Pollando: en arbaro apud vilaĝo Dąbrowice (distrikto Koło) germanoj murdis 35 polojn, alveturigitaj de juĝa malliberejo en Konin; Sekreta aldona protokolo: laboroj pri nova germana-soveta landlimo finiĝis; Asocio de Poloj en Germanio eksterleĝigita
  • 1941: Pola Subtera Ŝtato: konspira "Biuletyn Informacyjny" unuafoje publikigas alvokon de la Delegitaro de Pola Registaro en Ekzilo por kontraŭstari forveturigon al trudlaboro en Trian Regnon; Mediteraneo: sensukcesa brita provo ekregi grekan insulon ĉe la turka marbordo finita
  • 1942: Pacifika Fronto: Japana venko en la batalo en Java maro kontraŭ Nederlanda Hindio - unuigitaj nederlandaj-britaj-usonaj fortoj sub komando de subadmiralo Karel Doorman estis frakasitaj; Orienta Fronto: sur Kerĉa duoninsulo trupoj de la Krimea Fronto transiris al atako direkte al Karasubazar; Nazia Germanio ordonis pri agrikultura ekspluatado de orientaj okupataj teritorioj; prezidento Franklin D. Roosevelt permesis krei Interligitan Usonan-Meksikan Defend-Komitaton; Andrej Andrejeviĉ Vlasov publikigis deklaron de Smolensk
  • 1943: El koncentrejo Aŭŝvico fuĝis sep polaj malliberuloj laborantaj en kuirejo de SS, el kiuj Kazimierz Albin iĝis poste membro de Internacia Konsilio de Oświęcim; Masakro de Katin: germana sekreta kampa polico komencis enketi atestantojn pri murdo de polaj oficiroj en Katin - pafmortigitaj laŭ persona ordono de Stalin; Ruĝa Armeo retiriĝis malantaŭ norda segmento de la rivero Donec; Balkanoj: en Jugoslavio faŝistaj trupoj ĉirkaŭis inter la riveo Neretvo kaj urbo Prozor partizanan operacan grupon de Ĉefa Stabo
  • 1944: Gestapo pafmortigis en Radom 27 personojn pro konspira agado kaj 7 en Zalesie; SS pafmortigis en koncentrejo Mittelbau-Dora apud Nordhausen 24 polojn, membrojn de aganta en ĝi konspira organizaĵo; Krimo kontraŭ la homaro: dum amasa deporto de ĉeĉenoj NKVD-soldatoj vivbruligis 204 personojn el la vilaĝo Ĥajbaĥ
  • 1945: Ruĝa Armeo okupis Szczecinek; en Poznań fondiĝis Okcidenta Instituto, gvidata de historiisto pri ŝtato kaj juro profesoro Zygmunt Wojciechowski, kun celo interalie science esplori polajn-germanajn rilatojn; apud Mieszkowice pola 6-a Bataliono Ponton-Ponta starigis unuan landliman foston ĉe Odro; Brita aeratako al Majenco - pereis 1200 homoj; Okcidenta Fronto: usona 9-a Armeo atingis Rheydt
• 1946: Deporto:
  • Hungara-ĉeĥoslovaka interŝanĝo de loĝantaro estis subskribita en Budapeŝto
  • De Szczecin forveturis unua transporto de deportitaj germanoj
• Stalinismo:
  • 1949: Unua pola kolĥozo fondiĝis en vilaĝo Barchlin de distrikto Wolsztyński kiel agrikultura kooperativo
  • 1951: En Albanio nokte de la 26-a/27-a de februaro apud Tirano estis pafmortigitaj 23 junaj intelektuloj, interalie biologino Sabiha Kasimati
• 1955: Federacia Respubliko de Germanio fariĝis suverena ŝtato kaj membro de NATO
• 1955: Kubo: en Havano malfermiĝis la Granda Nacia Framasona Templo de Kubo
• 1963: Juan Bosch iĝis unua demokratie elektita prezidento de Dominika Respubliko
• 1967: Karibio: flago de Antigvo kaj Barbudo estis adoptita
• 1976: Okcidenta Saharo deklaris sendependecon de Hispanio kiel Araba Demokratia Sahara Respubliko
• 1977: Diego Armando Maradona debutis en Argentina nacia teamo de futbalo
• 1988: Montara Karabaĥo: pogromo de Sumgait komenciĝis
• 1989: Venezuelo: komenco de plurtaga ribelo kontraŭ severŝparado, konforma laŭ Internacia Monunua Fonduso - centoj da viktimoj
• 1990: Pollando kaj Israelo restarigis diplomatiajn rilatojn, rompitajn post la Sestaga milito
• 1991: Usona prezidento George H.W. Bush anoncis finon de la Golfa Milito kaj liberigon de Kuvajto
• 1996: Japana kompanio Nintendo lanĉis unuan videoludon Pokémon Red kaj Blue
• 1996: Balkana duoninsulo:
  • Respublikoj Makedonio kaj Grekio starigis diplomatiajn rilatojn ambasadornivele
  • Federacia Respubliko Jugoslavio ĉesigis sankciojn kontraŭ Serba Respubliko (blokado de Drina) truditaj la 4-an de aŭgusto 1994
• 1999: Olusegun Obasanjo gajnis prezidentajn balotojn en Niĝerio
• 2002: En Guĝarato, subŝtato de Barato, komenciĝis tumulto inter islamanoj kaj hinduoj post kiam en ekbruligita trajno mortis 58 hinduaj pilgrimantoj el Ajodhjo - pereis dum tri tagoj 800-2000 personoj, ĉefe islamanoj
• 2004: Shoko Asahara juĝita je mortpuno pro atako en metroo de Tokio en 1995
• 2006: Generalo Franciszek Gągor iĝis ĉefo de la Ĝenerala Stabo de Pola Militistaro
• 2010: Dum Vintra Olimpiko en Vankuvero pola skikuristino Justyna Kowalczyk akiris oran medalon en skikurado sur distanco de 30 km laŭ klasika stilo
• 2010: En tertremo en Ĉilio pereis 525 personoj kaj centoj vundiĝis
• 2011: Beji Caid Essebsi iĝis prezidento de Tunizio
• 2014: Arsenij Jacenjuk iĝis ĉefministro de Ukrainio
• 2014: Politika krizo en Krimeo: armitaj homoj okupis sidejojn de parlamento kaj registaro de Aŭtonoma Respubliko Krimeo en Simferopolo, kaj hisis la flagon de Rusio
• 2015: Putinismo: apud Moskva Kremlo estis pafmortigita opozicia politikisto Boris Nemcov
• 2019: Kaŝmiro: du barataj aviadiloj estis pafalterigitaj de Pakistano
• 2021: Monda ĉampioneco:
  • Pola skisaltisto Piotr Żyła akiris oran medalon en la Monda ĉampionado pri nordia skiado en Oberstdorf
  • Pola tenisistino Iga Świątek gajnis internacian turniron de Virina Tenisa Asocio en Adelajdo
• Invado de Rusio en Ukrainion
  • 2022: 4-a tago de la plenskala agreso: Rusia armeo, la 2-a en la mondo, malvenkis fulmomilitan batalon pri Kievo kontraŭ Ukraina Armeo, la 23-a en la mondo; apud Kievo estis frakasita elita ĉeĉena specnaza unuo provanta konkeri aviadilejon — la alia ĉeĉena formacio je la nomo al Ĝoĥar Dudajev batalas flanke de ukrainoj; Kieva provinco: en Vasilkov forbrulis brulaĵ-stokejo; apud Ĥarkivo, artilerie pripafata la tutan nokton, estis eksplodigita gasdukto, rusiaj soldatoj eniris kun malpezaj kirasitaj veturiloj al la centro - forpelitaj matene; en Sumia provinco oni bombis Oĥtirka - 6 personoj mortigitaj, 55 vunditaj; oni likvidis kelkajn grupojn de rusiaj flankatakistoj, kiuj i.a. murdis familion kun 3 infanoj
  • De Ĉeĥio al Ukrainio ekveturis trajno kun armilaĵoj; al Lviva provinco forveturis pola malsanulej-trajno kun medikamentoj, kiu al Varsovio kunportis 250 virinojn kaj 350 infanojn, plimulto eltrajniĝis en Przemyśl (al malsanulejo trafis 50 virinoj, 3 naskis infanojn); vespere de belorusa Mazir al Ĵitomir estis pafita rusia balistika misilo Iskander
  • 2023: Pasinttage 97 fojojn estis pripafita Ĥersona provinco; nokte en la regiono de Kievo estis paffaligitaj 9 el 11 senpilotaj aviadiloj-kamikazoj — aliaj estis direktitaj al Ĥmelnickijo, kaj raketoj S-300 al Zaporiĵo; Putin ŝanĝis komandanton de aerdefendo en Ukrainio post atakoj al Mariupolo — pli frue prezidanto de Ukrainio forigis de la posteno komandanton de ukraina armeo batalanta en Donbaso; du rusiaj soldatoj estis kondamnitaj en Ukrainio po 9 kaj 10 jaroj da mallibero pro pripafo de enloĝitaj terenoj en Donbaso;
  • Belorusaj partizanoj, kiuj pere de du senpilotaj aviadiloj sukcese damaĝis rusan aviadilon de frua averto A-50, unu el du-tri, forlasis Belorusion — estinta komandanto de Pola Ter-Armeo: rusoj estos surdaj kaj blindaj; usona ministrino pri trezoro neanoncite vizitis Kievon; Konsilio pri Homaj Rajtoj ĉe Unuiĝintaj Nacioj: en Ĝenevo Dmitro Kuleba pere de video diris ke homforkapto de miloj da infanoj el Ukrainio al Rusio estas „probable la plej granda deviga deporto en la nuntempa historio”

Naskiĝoj

• 272: Konstantino la Grando, imperiestro de Romia Imperio (m. 337)
• 1427: Rupreĥto de Palatinato, germana ĉefepiskopo kaj elekto-princo de Kolonjo (m. 1480)
• 1501: Antonius Corvinus Rabe, germana luterana teologo kaj reformisto (m. 1553)
• 1622: Carel Fabritius, nederlanda pentristo, disĉiplo de Rembranto (m. 1654)
• 1691: Edward Cave, angla presisto, eldonisto kaj redaktoro (m. 1754)
• 1748: Anders Sparrman, sveda naturalisto, aboliciisto kaj sekvanto de Carl Linnaeus (m. 1820)
• 1793: Baldomero Espartero, hispana liberala politikisto (m. 1879)
• 1798: Harald Othmar Lenz, germana pedagogo kaj natursciencisto (m. 1870)
• 1799: Frederick Catherwood, brita arkitekto, pentristo, arkeologo, vojaĝisto (m. 1854)
• 1799: Leberecht Uhlich, germana teologo, gvidanto de liberpensantaj Amikoj de lumo (m. 1872)
• 1807: Henry Wadsworth Longfellow, usona filologo, tradukisto, poeto, aŭtoro de du popolaj eposoj, defendanto de indianoj (m. 1882)
• 1814: Samuel Kleinschmidt, gronlanda lingvisto pri la gronlanda lingvo kaj misiisto (m. 1886)
• 1831: Nikolaj Ge, rusa historia kaj religia pentristo kaj portretisto, kunfondinto de la Peredviĵniki-komunumo (m. 1894)
• 1846: Franz Mehring, germana ĵurnalisto kaj historiisto (m. 1919)
• 1853: Josef Holeček, ĉeĥa verkisto, tradukinta finnan epopeon Kalevala (m. 1929)
• 1861: Rudolf Steiner, aŭstra filozofo, mistikulo, aŭtoro de la verko La filozofio de libereco, kreinto de antropozofio kaj kontribuinto al la Valdorfa pedagogio, kies Antropozofia Societo aktivas en la kunvenejo Goetheanum (m. 1925)
• 1863: Joaquín Sorolla, hispana pentristo de impresionismo (m. 1923)
• 1865: Miklós Jósika, hungara barono, ĵurnalisto, verkisto kaj akademiano (n. 1794)
• 1867: Irving Fisher, usona ekonomikisto, reprezentanto de neoklasika skolo (m. 1947)
• 1873: Enrico Caruso, itala operkantisto, "reĝo de tenoroj" (m. 1921)
• 1881: Luitzen Egbertus Jan Brouwer, nederlanda matematikisto, fondinto de intuiciismo (m. 1966)
• 1883: Imre Salusinszky, hungara ĵurnalisto kaj redaktoro (m. 1946)
• 1887: Pjotr Nesterov, rusa aviadilisto, pioniro de aerobatiko, per propra aviadilo atakinta aŭstran dum la Unua mondmilito (m. 1914)
• 1888: Johannes Meissel, germana desegnisto kaj pedagogo (m. 1969)
• 1896: Sándor Kőrösi-Krizsán, hungara politikisto, ĵurnalisto (m. 1970)
• 1902: John Steinbeck, usona Nobelpremiita verkisto, aŭtoro de la romano La Vinberoj de Kolero (m. 1968)
• 1903: Grethe Weiser, germana aktorino kaj kantistino kun komika talento (m. 1970)
• 1912: Nataša Gollová, ĉeĥa aktorino engaĝita en rezistomovadon (m. 1988)
• 1913: Irwin Shaw, usona verkisto kaj scenaristo (m. 1984)
• 1913: Kazimierz Sabbat, pola juristo, elmigrinta aktivisto, ĉefministro kaj prezidento de Pollando en ekzilo (m. 1989)
• 1914: Tibor Cs. Erdős, rumania hungara pentristo kaj grafikisto (m. 2015)
• 1915: Roman Rozmiłowski, pola oficiro, partoprenanto de la ribelo de Varsovio, unu el pafekzekutistoj de kunlaboristoj laŭ verdikto de Pola Subtera Ŝtato (m. 1944)
• 1915: Olavi Virta (Oskari Olavi Ilmen), finna tango-kantisto (m. 1972)
• 1917: Gábor Devecseri, hungara poeto, tradukisto de la greka kaj latina literaturoj, filo de Erzsébet Devecseriné Guthi (m. 1971)
• 1919: Helena Wolińska (Fajga Danielak), armea azkuzistino, respondeca pri arestoj de pli ol 20 poloj, inkluzive de generalo August Emil Fieldorf (m. 2008)
• 1921: András Szőllősy, hungara komponisto kaj muzikhistoriisto (m. 2007)
• 1923: Elli Nikodémusz, hungara tradukistino de la soveta literaturo (m. 1989)
• 1925: Tibor Cseh, hungara inĝeniero, publicisto, kulturorganizinto (m. 2004)
• 1927: Lajos Tövissi, rumania hungara ekonomisto, statistikisto (m. 2000)
• 1928: Gyárfás Márton, rumania hungara geodeto, fakverkisto pri fotogrametrio kaj teknikvortaristo (m. 2009)
• 1928: Ariel Ŝaron, israela militisto, membro de Likud, ĉefministro de Israelo (m. 2014)
• 1929: András Fodor, hungara poeto, tradukisto (m. 1997)
• 1929: Stefan Kudelski, pola-svisa elektronikisto kaj inventisto de magnetofonoj, prilaborinto de nova maniero registri sonojn (m. 2013)
• 1932: Elizabeth Taylor, brita-usona aktorino, konata de la filmo Ejo en la suno, gajninta dufoje la Oskar-premion kiel la plej bona aktorino (m. 2011)
• 1934: István Csurka, hungara verkisto kaj politikisto (m. 2012)
• 1935: Mirella Freni, itala operkantistino (soprano) (m. 2020)
• 1939: Kenzo Takada, japana mododesegnisto (m. 2020)
• 1942: Robert H. Grubbs, usona Nobelpremiita kemiisto (m. 2021)
• 1943: Carlos Alberto Parreira, brazila futbala trejnisto
• 1947: Gidon Kremer, latva violonisto
• 1949: László Horváth, rumania hungara fotisto, entreprenisto
• 1949: Sergej Miĥajloviĉ Perŝin, soveta, rusia astronomo, aŭtoro de 135 publikaĵoj
• 1951: Ernő Devilla, rumania hungara pentristo, grafikisto
• 1953: Ian Khama, prezidento de Bocvano
• 1955: Peter Christopherson, brita muzikisto, komponisto kaj muzikfilmeta produktisto (m. 2010)
• 1957: Adrian Smith, angla rokmuzikisto, gitaristo kaj fona kantisto de la metalroka muzikgrupo Iron Maiden
• 1967: Wojciech Bobilewicz, pola verkisto, tradukisto kaj vojaĝisto ĝis Salomonoj kaj Etiopio
• 1977: Attila Szőcs, rumania hungara verkisto, universitata instruisto
• 1983: Kate Mara, usona aktorino teatra kaj filma
• 1985: Juliana Imai, brazila modelino

Mortoj

• -291: Koan, imperiestro de Japanio (n. -427)
• 640: Pipino de Landen, majordomo de Aŭstrazio, sanktulo (n. ĉ. 580)
• 1026: Henriko la 5-a, grafo de Luksemburgo (n. 960)
• 1706: John Evelyn, angla kronikisto, verkisto kaj ĝardenisto (n. 1620)
• 1735: Georg Friedrich Kauffmann, germana orgenisto kaj komponisto (n. 1679)
• 1760: Anna Magdalena Bach, dua edzino de Johann Sebastian Bach (n. 1701)
• 1854: Félicité Robert de Lamennais, franca verkisto kaj teologo, reprezentanto de liberala kristanismo, amikiĝinta kun Adam Mickiewicz (n. 1782)
• 1861: Leon Janiszewski, pola poeto kaj muzikisto ligita kun Tbilisi, tradukisto de Ciganoj kaj Kaŭkaza militkaptito de Aleksandr Puŝkin (n. 1810)
• 1861: Zdzisław Rutkowski, pola bienulo, unu el kvin mortfalintoj dum la patriotisma manifestacio en okupata de rusiaj regopovoj Kongresa Pollando (n. 1838)
• 1865: Miklós Jósika, hungara verkisto kaj ĵurnalisto (n. 1794)
• 1874: Carlos Manuel de Céspedes, kuba plantisto, kiu famiĝis donacante liberecon al siaj sklavoj (n. 1819)
• 1887: Aleksandr Porfirjeviĉ Borodin, rusa kemiisto, komponisto kaj muzikisto (n. 1833)
• 1914: Johannes Baptist Katschthaler, aŭstra kardinalo kaj profesoro pri dogmoteologio
• 1926: Aladár Sámuel, hungara pastro kaj historiisto publikiginta en Református Szemle (n. 1869)
• 1930: John Buchanan, skota kuracisto, membro de Brita Esperanto-Asocio, vicprezidanto de Universala Medicina Esperanto-Asocio, testamentinta monon por Esperanto-konferencoj Buchanan Lecture (n. ĉ. 1859)
• 1931: Vladimiro fon Ŝmurlo, rusa-latva fervoja inĝeniero, volapukisto, delegito de UEA, fondinto de "Riga Stelo" kaj Esperanto-klubo, kunlaboranto de "La Esperantisto", "Internacia Scienca Revuo", "Lingvo Internacia" kaj "Scienca Gazeto", verkinto kaj eldoninto de ANA (Alfabeta Nomaro-Adresaro), kreinto de esperantido Arlingo (n. 1865)
• 1933: Karola Nagy, rumania hungara ĵurnalistino, verkistino (n. 1906)
• 1936: Ivan Pavlov, rusia, soveta Nobelpremiita fiziologo enkondukinta plurajn nociojn ene de kondutismo kiel plifortigo, kondiĉa reflekso (n. 1849)
• 1942: Gábor Ajtai Nagy, hungara, rumania hungara redaktoro (n. 1875)
• 1943: Kostis Palamas, greka verkisto kaj poeto, reprezentanto de la greka literaturo en la novgreka lingvo, kreinto de la Olimpika himno (n. 1859)
• 1943: Ernő Salamon, rumania hungara poeto kaj ĵurnalisto (n. 1912)
• 1953: Péter Bárdos, hungara publicisto, dramverkisto (n. 1864)
• 1957: Győző Huber, hungara inĝeniero kaj verkisto (n. 1892)
• 1966: Alfred P. Sloan, usonano, prezidanto de la aŭtomobila firmao General Motors (n. 1875)
• 1970: Robert Lockhart, brita ĵurnalisto, verkisto, diplomato kaj spiono (n. 1887)
• 1970: Zoltán Rákosi, hungara verkisto, poeto, pedagogo (n. 1885)
• 1976: Georgo Deŝkin, rusia oficisto kaj poeto, kunfondinto de la Vilna Esperanto-societo, delegito de UEA (n. 1891)
• 1976: Kálmán Kalocsay, hungara kirurgo, poeto, kaj redaktoro de Literatura Mondo, Esperanto-verkisto, kies spiritan postlasaĵon prizorgis Ada Csiszár, konata de Tutmonda Sonoro - poezia antologio en Esperanto tradukita el 30 lingvoj, el la Serio Oriento-Okcidento (n. 1891)
• 1987: Franciszek Blachnicki, pola pastro, proparolanto de senalkohola kulturo, kontraŭkomunisto, viziulo pri disfalo de komunistaj reĝimoj, fondinto de la Movado Lumo-Vivo, Servisto de Dio (n. 1921)
• 1989: Konrad Lorenz, aŭstra Nobelpremiita bestosciencisto, ornitologo, kreinto de etologio (n. 1903)
• 1992: Samuel Ichiye Hayakawa, kanada-usona lingvisto kaj politikisto, libro-aŭtoro pri Ĝenerala Semantiko (n. 1906)
• 1992: Algirdas Julius Greimas, litova-franca semiotikisto, esploristo de litova mitologio (n. 1917)
• 2008: Ivan Rebroff, rus-germana kantisto (de soprano ĝis baso) (n. 1931)
• 2013: Károly Palczer, rumania hungara instruisto, memuaristo (n. 1928)
• 2014: Jan Hoet, belga muzea kuratoro (n. 1936)
• 2014: Huber Matos, kuba verkisto, politikisto kaj disidento, kiel kontraŭkomunisto pasigis 20 jarojn en mallibero (n. 1918)
• 2015: Leonard Nimoy, usona aktoro, reĝisoro, poeto kaj muzikisto (n. 1931)
• 2015: Boris Nemcov, rusia politikisto, guberniestro, vic-ĉefministro, vic-prezidanto de la Ŝtata Dumao, ministro, demokratia aktivulo, membro de la Kunordiga konsilantaro de rusia opozicio, murdita (n. 1959)
• 2019: France-Albert René, prezidento de Sejŝeloj, konata de demokratiigo (n. 1935)
• 2020: Valdir Espinosa, brazila futbalisto kaj trejnisto laboranta en Tokyo Verdy (n. 1947)
• 2021: Vilmos Benczik, hungara profesoro, estrarano de Hungara Esperanto-Asocio, redaktanto de "Hungara Vivo", komitatano de Universala Esperanto-Asocio, kunlaboranto de "Norda Prismo", publikiginto de Hungara Antologio, honora membro de UEA kaj de la Akademio de Esperanto, enestanta en Esperanta Antologio (n. 1945)

Specialaj tagoj kaj festoj

• Nacia tago en Dominika Respubliko, Fiesta Nacional, tago de la sendependiĝo (1844)
• Internacia Tago de Blanka Urso
• Internacia tago de ne-registara organizaĵo

Tagoj de semajno

La 27-a de februaro estas (laŭ gregoria kalendaro):

• Dimanĉo en jaroj: 1583 1594 1600 1605 1611 1622 1628 1633 1639 1650 1656 1661 1667 1678 1684 1689 1695 1701 1707 1718 1724 1729 1735 1746 1752 1757 1763 1774 1780 1785 1791 1803 1814 1820 1825 1831 1842 1848 1853 1859 1870 1876 1881 1887 1898 1910 1916 1921 1927 1938 1944 1949 1955 1966 1972 1977 1983 1994 2000 2005 2011 2022 2028 2033 2039 2050 2056 2061 2067 2078 2084 2089 2095;
• Lundo en jaroj: 1584 1589 1595 1606 1612 1617 1623 1634 1640 1645 1651 1662 1668 1673 1679 1690 1696 1702 1708 1713 1719 1730 1736 1741 1747 1758 1764 1769 1775 1786 1792 1797 1804 1809 1815 1826 1832 1837 1843 1854 1860 1865 1871 1882 1888 1893 1899 1905 1911 1922 1928 1933 1939 1950 1956 1961 1967 1978 1984 1989 1995 2006 2012 2017 2023 2034 2040 2045 2051 2062 2068 2073 2079 2090 2096;
• Mardo en jaroj: 1590 1596 1601 1607 1618 1624 1629 1635 1646 1652 1657 1663 1674 1680 1685 1691 1703 1714 1720 1725 1731 1742 1748 1753 1759 1770 1776 1781 1787 1798 1810 1816 1821 1827 1838 1844 1849 1855 1866 1872 1877 1883 1894 1900 1906 1912 1917 1923 1934 1940 1945 1951 1962 1968 1973 1979 1990 1996 2001 2007 2018 2024 2029 2035 2046 2052 2057 2063 2074 2080 2085 2091;
• Merkredo en jaroj: 1585 1591 1602 1608 1613 1619 1630 1636 1641 1647 1658 1664 1669 1675 1686 1692 1697 1704 1709 1715 1726 1732 1737 1743 1754 1760 1765 1771 1782 1788 1793 1799 1805 1811 1822 1828 1833 1839 1850 1856 1861 1867 1878 1884 1889 1895 1901 1907 1918 1924 1929 1935 1946 1952 1957 1963 1974 1980 1985 1991 2002 2008 2013 2019 2030 2036 2041 2047 2058 2064 2069 2075 2086 2092 2097;
• Ĵaŭdo en jaroj: 1586 1592 1597 1603 1614 1620 1625 1631 1642 1648 1653 1659 1670 1676 1681 1687 1698 1710 1716 1721 1727 1738 1744 1749 1755 1766 1772 1777 1783 1794 1800 1806 1812 1817 1823 1834 1840 1845 1851 1862 1868 1873 1879 1890 1896 1902 1908 1913 1919 1930 1936 1941 1947 1958 1964 1969 1975 1986 1992 1997 2003 2014 2020 2025 2031 2042 2048 2053 2059 2070 2076 2081 2087 2098;
• Vendredo en jaroj: 1587 1598 1604 1609 1615 1626 1632 1637 1643 1654 1660 1665 1671 1682 1688 1693 1699 1705 1711 1722 1728 1733 1739 1750 1756 1761 1767 1778 1784 1789 1795 1801 1807 1818 1824 1829 1835 1846 1852 1857 1863 1874 1880 1885 1891 1903 1914 1920 1925 1931 1942 1948 1953 1959 1970 1976 1981 1987 1998 2004 2009 2015 2026 2032 2037 2043 2054 2060 2065 2071 2082 2088 2093 2099;
• Sabato en jaroj: 1582 1588 1593 1599 1610 1616 1621 1627 1638 1644 1649 1655 1666 1672 1677 1683 1694 1700 1706 1712 1717 1723 1734 1740 1745 1751 1762 1768 1773 1779 1790 1796 1802 1808 1813 1819 1830 1836 1841 1847 1858 1864 1869 1875 1886 1892 1897 1904 1909 1915 1926 1932 1937 1943 1954 1960 1965 1971 1982 1988 1993 1999 2010 2016 2021 2027 2038 2044 2049 2055 2066 2072 2077 2083 2094.